အလုပ်

မနက်စောစော အလန့်တကြားနိုးလာတယ်။ နေရောင်လည်း စထိုးနေပြီ။ ရေချိုးရမယ်။ မနက်စာစားရမယ်။ အလုပ်တည်းဟူသော နေရာကိုသွားရမယ်။ လုပ်စရာတွေ လုပ်စရာတွေ လုပ်ချင်တာတွေ မလုပ်ချင်တာတွေ ခေါင်းထဲ ပြုံဝင်လာတယ်။ ခေါင်းလေးလာတယ်။ 

ပြီးတော့မှ သတိရလာတယ်။ ဒီနေ့ စနေနေ့ပါလားဆိုပြီး။ သက်ပြင်းချတယ်။ 

ကျွန်တော်ကိုယ့်ကိုယ်ကို မေးခွန်းတစ်ခုပြန်မေးမိတယ်။ ငါအလုပ်လုပ်ဖို့များရှင်သန်နေပြီလားပေါ့။ အလုပ်ဆိုတဲ့ဟာကြီး ဘ၀ထဲ သေချာဝင်လာပြီး ကိုယ်ပိုင်ဘ၀ဆိုတာဘယ်များရောက်သွားပါလိမ့်။ 

ခေါင်းက ပိုလေးလာပြန်တယ်။ မထူးပါဘူး။ ထတယ်။ ရေသောက်တယ်။ ပြီးတော့ စောင်ခြုံပြီး ပြန်ကွေးနေလိုက်တယ်။ 

 

9862

သံသရာခြားရဟတ် လည်ပတ်ခဲ့ပြန်ပြီ။

မိုးသည်းအရပ် နေခြည်ခက်တို့ဖြာ

” ဘာမှ မဟောင်းနွမ်းဘူး ငါမပြောင်းလဲဘူး အရင်အတိုင်းပဲ “

 

တစ်ကယ်တော့ ကျွန်တော်တေးသွားတွေကို သေသေချာချာ မကြားရတာကြာပါပြီ။ ဒီနေ့မှ မိုးသည်းတုန်း ဆာဖာရီဆိုတဲ့ နက်ဆိုင်လေးမှာ မိုးခိုနေရင်း အဲဒါ စာသားအပါအ၀င် ကျွန်တော် သီးချင်း ဟင့်အင်း ဂီတကို ကြားလိုက်ရပါတယ်။

ဘယ်လိုပဲ ဖြစ်ဖြစ် ကျွန်တော်ဒီနေ့တော့ အိပ်ယာကနိုးထလာရတာ တန်ပါတယ်။ ………………..

 

 

မေလ ၂၅ ရက် ၂၀၁၂ ခုနှစ် (၀ါ) သာမန်နေ့တွေထဲက တစ်ညနေခင်း မိုးမင်းမှောင်မိုက်ချိန်

ကောင်းကင်ပေါ်က တိမ်တိုက်တွေမဲမှောင်နေသည်။ မိုးတို့ဖြင့် ရွာချစေချင်လှသည်။ ဒါမှသာ ကောင်းကင်ကြီး ကြည်လင် ၀င်းပလာလိမ့်မည်။ မိုးဆဲစ နေရောင်တို့ဖြင့် ပန်းမြတ်လေးများ ပိုလန်းစေချင်သည်။ သို့သော် ရာသီဥတု ဟူသည်ကား ကိုယ့်အလို လိုက်လိမ့်မည်မထင်။ အတွေးတွေလည်း ဟိုရောက် ဒီရောက်ဖြစ်နေသည်။ ဒီရုပ်ခန္ဓာလည်း ကိုယ့်ကို အလိုမလိုက်တော့ပြီ။ စိတ်ဟူသည်လား လားရာသွားနေသည်။ 

ရာသီဥတုက ကိုယ့်ဘက်မှာ ပါမနေချေ။ ခပ်သဲသဲ ခပ်ညံညံ မိုးသံကိုနားထောင် မိုးငွေ့ကို ထိတွေ့ရင်း ကော်ဖီသင်းသင်း သောက်ရမည့် အကြံကိုလည်း စွန့်ရတော့မည်ထင်သည်။ ညနေချိန်မှသည် ညနက်ဆီသို့ ချဉ်းကပ်တိုင်း ကော်ဖီထပ်ထပ်သောက်လျှင် အိပ်ဖို့စိတ်တွေ မငြိမ်ဖြစ်တတ်လာသည်ကိုလည်း အသိပင်။ သို့သော် ထိုကော်ဖီသင်းနံ့ကို တိတ်တခိုး မျှော်သောက်နေမိသည်။ 

ဘ၀ဆိုတာ မျှော်လင့်ခြင်းနဲ့ အသက်ရှင်ရတာတဲ့။ မိုးလေးများ မစဲ တသဲသဲရွာမလားလို့ မျှော်မိပါသည်။ လ မထွက်လည်းနေပါ။ မိုးနတ်မင်းသာ ကောင်းချီးပေးစမ်းစေဗျာ။ တစ်ကယ်တော့ မိုးက ရွာချင်မှလည်း ရွာမည်။ ရွာလျှင်လည်း ရွာမည်ဆိုတာကို အသိပင်ဖြစ်သည်။ 

စိတ်တွေ မှိုင်းနေချိန်မှာ ကိုယ့်ခံစားချက်ကို နားမလည်ပေးတောင်မှ နားထောင်ပေးမည့် အဖော်ကိုတော့ ခုံမင်မိသည်။ အထူးသဖြင့် ကျောင်းတုန်းက ခင်ခဲ့သော သူငယ်ချင်းတွေကို သတိရသည်။ မိမိအတွက် ပိုလည်းမတွေးပေး လိုလည်းမတွေးပေး အမြင်ကို အသိပေးတဲ့သူငယ်ချင်းတွေ……။ 

ရာသီစက်ဝန်းတွေနဲ့အတူ မိမိအသက်သည်လည်း တစ်နှစ်ပြီး တစ်နှစ် ဂဏန်းတွေကြီးလာခဲ့ပြီ။ ခုထိ နှစ်ချီမေးလာသော အခြေခံမွေးခွန်းကို ကိုယ့်ဘာသာ မသေချာသေး။ မှားယွင်းတဲ့ ခံစားချက်တစ်ခုမှာ တစ်ဘ၀လုံး အဓိပ္ပာယ်မမဲ့ချင်တာ တစ်ခုတည်းနဲ့ ဘ၀ဟာ ဟင်းလင်ပြင်ဖြစ်နေခဲ့သည်။ 

မျက်စိတစ်မှိတ်ပေါင်းများစွာ ဖြတ်ကျော်ခဲ့ပြီ။ နေသည်လည်း ဆည်းဆာပေါင်း ထောင်ချီဖြတ်ခဲ့ပြီ။ ခုထိ ကိုယ့်ဘ၀နေခြည်မလင်းလက်သေးသည်တော့ ကိုယ့်အသိပင်။ ထို အာရုံနံနက်ခင်းတစ်ခုကို မျှော်နေပေဦးမည်။ သို့သော် မျှော်နေရုံနဲ့ မပြီး။ တစ်ခုခုတော့ လုပ်မှ ဖြစ်မည်။ သို့မှသာ ထိုမနက်ခင်းသည် မိမိလိုချင်သော ဒါမှ မဟုတ် မိမိနှလုံးသားနှင့်ကိုက်သော နံနက်ခင်းဖြစ်ပေလိမ့်မည်။ 

နေ့သစ်တစ်နေ့

နေ့သစ်တစ်နေ့

ဒါမှ မဟုတ် နေ၀င်ဆည်းဆာရောက်မှ ထိုအလှဖြင့်ပင် ကျေနပ်အားရလျှင်လည်း မိမိ သေပျော်လောက်မည်ထင်ပါသည်။ မျှော်လင့်ခြင်းတည်းဟူသော ထိုအရာသည် ပန်ဒိုးရာအိုးထဲတွင် ရှိနေပါလိမ့်ဦးမည်ဟု မျှော်ကိုးရင်း………………………………………. မဲမှောင်နေတဲ့ တိမ်တိုက်အောက်မှာ လမ်းထွက်လျှောက်လိုက်ပါဦးမည်။ 

 

ခရီးတစ်ခု ဒါမှမဟုတ် နှလုံးသားနယ်မြေချဲ့ထွင်ခြင်း

ဒီခရီးကို စဉ်းစားထားတာကြာပါပြီ။ တစ်ကယ်သွားမယ်ဆိုတော့လည်း ကိုယ်ဆွေးနွေးမယ့် ဘာသာစကားအတွက် စိုးရိမ်စိတ်လေးဖြစ်မိပါတယ်။ ခုတော့ ရက်လည်း သတ်မှတ်ပြီးပြီ။ လေယာဉ်လက်မှတ်လည်း လက်ထဲမှာ..။ ပြည်ဝင်ခွင့်လည်းရခဲ့ပြီမို့ ခရီးထွက်နိုင်ရန် မပြီးပြတ်သေးသော လုပ်စရာရှိသည်များကို တွန်းထိုးလုပ်ချင်ယောက်ဆောင်ကာ အပြီးသတ်ခဲ့တယ်။ ပို့စရာရှိတဲ့ လျှပ်စစ်ချောစာတစ်ချို့ကိုလည်း ခလုပ်လေးနှိပ်ပြီး ပို့ခဲ့ပြီ။

ခရီးထွက်မယ့်နေ့တော့ မနက်စာရှာစားလိုက်ရတာကလွဲလို့ အားလုံးချောချောမောမောပါပဲ။ မြန်မာပြည်ရဲ့ လေယဉ်ကောင်တာမှာ ၀န်ထမ်းအလုပ်သင်လေးကို စီနီယာမမက မိမ်ိလေယာဉ်လက်မှတ်နဲ့ ပလက်တီကယ်ဆင်းနေတာကို သည်းခံ (သည်းခံ) စောင့်ရင်း လ၀ကမှာလည်း အဆင်ပြေခဲ့တယ်။ ကော်ဖီမသောက်ခဲ့ရလို့ ဈေးကြီးမယ်မှန်းသိရက်နဲ့ လေဆပိအပေါ်ထပ်က ကော်ဖီဆိုင်မှာ ဈေးကြီးပြီး ၀န်ဆောင်မှုဆိုတာ သင်ယူဖို့လိုနေတဲ့ ၀န်ထမ်းတွေရှိတဲ့ဆိုင်မှာ ၃၅၀၀ ကျပ်တန် ခပ်ကောင်းကောင်းကော်ဖီစေ့သုံးပြီး ခပ်ညံ့ညံ့ဖျော်ထားတာကို သောက်ခဲ့ရတယ်။

အဲလိုနဲ့ မြန်မာနိုင်ငံမြို့တော်ဟောင်း ရန်ကုန်မြို့ကနေပြီး သုဝဏ္ဏဘူမိလေဆိပ်ကိုရောက်ခဲ့တယ်။ ထိုင်းရဲ့ ပြည်တွင်းလေယာဉ်ကို ပထမဆုံးစစီးမှာမို့ ဘာမှသိမထားဘူး။ စမ်းတ၀ါးဝါးနဲ့ ရှာလိုက်တော့ တွေ့လိုက်ရတယ်။ ဟိုတစ်ခါ ချင်းမိုင်က လ၀ကတွေထက်တော့ ချိုသာယဉ်ကျေးတာကိုတွေ့လိုက်ရတယ်။ တစ်ခွန်းတစ်စ သူ့အမေးကို ထိုင်းလိုပြန်ပြောတော့ မျက်နှာမော့ကြည့်ပြီး ပြုံးတယ်။ ပြီးတော့ ထိုင်းလိုဆက်ပြောတယ်… ထုံးစံအတိုင်း ထိုက်ဆိုင်တို့ နားလည်ချင်ယောက်ဆောင်လိုက်တယ်။

လ၀ကကိုအဖြတ် ဗိုက်ကဆာနေပြီမို့ စားဖို့ဝါးဖို့ရှာတယ်။ အဲလိုရှာနေရင်းနဲ့ Bankgok Airways ရဲ့ ခရီးတိုင်းအတွက် လုပ်ပေးထားတဲ့ အခန်းကြီးကိုတွေ့ရော ……….. အခမဲ့အင်တာနက်နဲ့ အစားသောက်.. ၀မ်းသာသွားတယ်။ လေဆိပ်က၀ါးတီးတွေက ဈေးကြီးတယ်လေ။ ပါလာတဲ့ လေယာဉ်တက်ခွင့်လေးကို စကင်နာလေးနဲဖတ်ပြီး အထဲဝင်လိုက်တယ်။ ပထမဆုံးတစ်ချီ အစားအသောက်ယူပြီး Apple MSI netbook လေးဖွင့် သူတို့ wifi ကိုချိတ်……..။ ထုံးစံအတိုင်း ကိုယ်တော်ချော နတ်ဘုတ်လေးက ပြဿနာရှာတော့ ဒိုင်ဂနိုးစစ်တွေလုပ်ပြီးမှ သုံးလို့ရသွားတယ်။ အီးမေးလေးကို ဆွဲချနေတုန်း နောက်တစ်ချီ ဟိုစစ ဒီစစမုန့်နဲ့ ကော်ဖီထပ်ယူလိုက်တယ်။ အီးမေးလေးကို ပြန်ကြားစရာရှိတာပြန်ကြားပြီးသကာလ မျက်နှာစာအုပ်ကြီးကို သံတော်ဦးတင်သတင်းပို့လိုက်ပါသေးတယ်။

ချင်းမိုင်လေဆိပ်မှာ ပစ္စည်းစောင့်ရတာကြာတာကလွဲပြီး တည်းခိုမယ့် တည်းခိုခန်းငယ်လေးကို ချောချောမောမောပဲရောက်ပါတယ်။ ရာသီဥတုက မဟားတယားပူတာကလွဲလို့ပေါ့။ အခန်းထဲဝင် ပစ္စည်းလေးထား တစ်ရေးလေးမှေးပြီး အပြင်ကို လမ်းလျှောက်ထွက်ခဲ့ပါတယ်။ လမ်းမှားပြန်ပါတယ်။ လမ်းမေးပေမယ့် အဖြေမရ ကျေးဇူးတင်တယ်ပြောပြီး ကိုယ့်လမ်းကို ရှာခဲ့တယ်။ ဈေးချိုတဲ့ လမ်းဘေးက ထိုင်းစာတွေကို မတောက်တစ်ခေါက်ထိုင်းစကားနဲ့ စားခဲ့ရတယ်။ သူတို့ရဲ့ များမြောင်လှတဲ့ 7-11 ဆိုင်ကနေ စိန်ခေါ်မူများစွာကြုံရမယ့် ဖုန်းကဒ်တစ်ကဒ်ဝယ်လိုက်ပါတယ်။

မျှော်လင့်ကြီးစွာနဲ့ ကြိုးစားသော်လည်း မိမိ၏ မသုံးဖူးမှု၊ ဗြိသိသျှလို အညွန်းမပါမှုကြောင့် စိတ်ပင်ပန်းခဲ့ရပါတယ်။ အမျိုးမျိုးကြိုးစားပြီးမှ ရန်ဖြစ်မတတ် call center မှလူများစွာနှင့် ရင်ဆိုင်ပြီးမှ ဖုန်းလေးဆက်လို့ရပါတယ်။ အင်တာနက်သုံးဖို့ဆိုပြီး နာရီ ၃၀ ဘတ် ၉၉ တန်ပလင်းကြီးကို ယူထားပေမယ့် ကိုရွေ Huawei S8600 ရဲ့ ပေါက်ဖော်ကြီးများအစွမ်းကြောင့် ရတစ်ချက် မရတစ်ချက်နဲ့ ကျေနပ်နေရပါတယ်။ ဖုန်းကဒ်ဝယ်ခ ၆၉ ဘတ်၊ ငွေသွင်းခ ၂၀၀ ဘတ် = မတန်သလိုလိုပဲ။

အဲလိုနဲ့ ခြေတိုအောင်လျှောက်ပြီး တည်းခိုခန်းပြန် မျက်နှာစာအုပ်ကို သံတော်ဦးတင်းပြီး ထိုင်း အိပ်ရာဝင်ခဲ့ပါတယ်။ နောက်တစ်ရက်လင်းတော့ ရေတံခွန်ဆိုတဲ့နေရာသွားလည်ပါတယ်။ အင်း သူတို့ရေတံခွန်ပေါ့လေ ဟုသာသြချလိုက်တယ်။ အပေါ်တက်ကြည့်တော့ သူတို့တွေများ တိုးရစ်တွေလာအောင် လုပ်တတ်လိုက်တာ။ မီးခိုးမထွက်ပေမယ့် မီးခိုးအူတတ်တဲ့စက်ရုံကြီးကိုသူတို့ ကောင်းကောင်းနားလည်ပါလားပေါ့။ စိတ်ဝင်စားစရာတစ်ခုကိုလည်း သိလိုက်ရတယ်။ သူတို့ဖွံ့ဖြိုးရေး စီမံကိန်းအနေနဲ့ တိုးရစ်စက်ရုံကြီးပိုတိုးတက်ဖို့ဆိုပြီး စိတ်ဝင်စားသူများကို ထိုင်းရိုးရာ အနှိပ်ပညာ၊ ချက်ပြုတ်ပညာစတာတွေကို သင်ပေးတယ်။ အခြေခံပြီးလို့ တကယ်လုပ်ကိုင်သူတွေကို အဆင့်မြင့်သင်တန်း ပြန်တက်ခိုင်းတယ်။ အတုယူစရာလေးတစ်ခုပါလားပေါ့။

ညနေပိုင်းကျတော့ ဂျာမန်ဘာသာစကားသင်တဲ့ ချင်းမိုင်တက္ကသလိုလ်က ကထိကကကားနဲ့လိုက်ပြလို့ သူတို့ချင်းမိုင် တက္ကသိုလ်၊ သူတို့မြို့ဝန်းကျင်ကို ပိုလို့ မြင်တွေ့ခွင့်ရလိုက်ပါတယ်။ သူကလည်းပဲ မြန်မာနိုင်ငံရဲ့ ပွင့်လင်းတိုးတက်လာတဲ့ နိုင်ငံရေးအခြေအနေကို စိတ်ဝင်တစ်စား မေးမြန်းဆွေးနွေးပါတယ်။သူ့ တွေးခေါ်မျှော်မြင်ပုံတွေကိုလည်း မှတ်သားခဲ့ရပါတယ်။ သူတို့တွေရဲ့ အဆင့်မြင့်ပညာရေး တစ်စွန်းတစ်စ၊ လူနေမှုတစ်စွန်းတစ်စကိုလည်း ဖြတ်ခနဲမြင်တွေ့သိခွင့်ရလိုက်ပါတယ်။

ဒုတိယရက်နေ၀င်ရီတစ်ရောအချိန်မှာ ညဈေးကိုသွားလည်ခဲ့ပါတယ်။ အစကတော့ တည်းခိုခန်းမှာတွေ့တဲ့ ဒန်းစီးနေတဲ့ မြေရုပ်လေးဝယ်ဖို့ပါ။ ခြေသာတို မတွေ့လို့ အရင်ခေါက်တွေ့တဲ့နေရာကပဲ စဉ့်ရုပ်ကလေးတစ်မိသားစု၊ နှစ်မိသားစုလောက်ကို ဖိတ်ခဲ့တယ်။ ပြီးတော့လမ်းလျှောက် ပြန်အိပ်ခဲ့ပါတယ်။

တတိယနေ့မနက်စောစော သွားမယ့်နေရာ မရောက်ဖူးပေမယ့် ရင်းနှီးနေတဲ့နေရာကိုသွားခါနီး မနက်စာစား ကော်ဖီသောက်ကာ ဒီပို့လေးကို ရေးပါတယ်။

ဧပြီလ ၁၉ ရက် ၂၀၁၂ ခုနှစ် မနက် ၁၁း၀၄။
မြောက်ပိုင်းနှင်းဆီမြို့တော် (၀ါ) မြို့သစ် (၀ါ) ချင်းမိုင်

ဝင်သက် ထွက်သက် သံသရာဆက်ခြင်း၏ တစ်ခဏတာ

အသက်ရှင်းခြင်းဆိုတာ ၀င်သက် ထွက်သက် ဆက်ခြင်းတစ်ခုမျှသာဖြစ်ပါတယ်။ ရိုးရိုးတွေးရင်တော့ ရိုးရိုးလေးပါပဲ။ ဒီလိုနဲ့ တစ်နေ့တာ ဆိုတဲ့ပညတ်ကုန်ဆုံး ဘ၀တုန်းရမှာပဲလေ။ 

ဘ၀ဆိုတာ မျှော်လင့်ခြင်းနဲ့အသက်ရှင်ရတာလို့ ကျွှန်တော့်သူငယ်ချင်း တစ်ယောက်က ပြောဖူးတယ်။ ကျွန်တော်ကိုယ့်ကိုယ်ကို ရိုးရိုးလေး ပြန်မေးလိုက်တယ်။ ငါ့မှာကော ဘာမျှော်လင့်ခြင်း တွေရှိလဲလို့။ စာမကျန်လာလို့ ဒါမှမဟုတ် ကျောင်းခိုးပြေးလို့ အမေးခံရတဲ့ တပည့်ငယ်ပမာ ဖြေစရာစကား နတ္ထိဖြစ်ရပါတယ်။ 

ဘ၀ ဆိုတဲ့စက်ရုံကြီးက လည်ပတ်နေပါတယ်။ ဒါပေမယ့် မပျှော်မွေ့ဘူး။ အပြင်မှာတော့ ညနေဆည်းဆာလည်း လှပနေဆဲဖြစ်မှာပါ။ ညမဟူရာလည်း ရောင်ခြည်မသန်းခင် ဆက်မှောင်နေမှာပါ။ ကြယ်စင်တွေက အလှဆင်ပေးဖို့လည်း မေ့မယ် မထင်ဘူး။

နွေဦးရဲ့ ဘာသာစကားကို မက်မွန်ပန်းတွေသိတယ် (မင်းခိုက်စိုးစံ)

ဒါဆို ကျွှန်တော့်ရဲ့ ဘာသာစကားကို ကျွန်တော်သိရဲ့လား။ အခြား အသက်ရှုနေတဲ့ လူပေါင်းများစွာလိုပဲ ကျွန်တော်ကိုယ့်ကိုယ်ကို ပြန်ကြည့်မရဲသေးဘူး။ မေ့ချင်ယောင်ဆောင်နေတာလည်း ဖြစ်နိုင်ပါတယ်။ 

ခရစ်နှစ် ၂၀၁၂ ရဲ့ တစ်စိတ်ကုန်တော့မယ်။ ကျန်ခဲ့တဲ့နှစ်တွေလိုပဲ ကျွန်တော် ………………….

ဘ၀စာအုပ်ရဲ့ တစ်မျက်နှာ

ဘ၀ဆိုတာ သမုဒ္ဒရာထက်က ရေပွက်ပမာဆိုပေမယ့်လည်း ကျွန်တော့်အတွက်တော့ ရှည်ကြာလွန်းလှပါတယ်။ စက္ကန့်အချိန်တွေပုံစုလို့ နှစ်တစ်ခုသာ ထပ်ဖြတ်ကျော်ခဲ့တယ်။ ကျွန်တော်ဘာလဲ။ ဘယ်လဲဆိုတာ ခုထိတော့ မြူခိုးတွေဝိုးဝါးတုန်းပါပဲ။ အခြား အသိကျွမ်းတွေလို ဘာလို့ ဘာဖြစ်ချင်တယ်။ ညာဖြစ်ချင်တယ် ဆိုတဲ့ ပန်းတိုင်လှမ်းမမြင်နိုင်ရတာလဲလို့ ကိုယ့်အတ္တကိုအကြိမ်ကြိမ် စာမေးပွဲစစ်ခဲ့ပါတယ်။ ခုထိတော့ အဲဒီကိုယ်တိုင်စစ်တဲ့ စာမေးပွဲကိုပဲ ကျွန်တော် အောင်အောင်မဖြေနိုင်သေးပါဘူး။

အတိတ်က………….ဟိုးအရင် ကျောင်းတက်နေတုန်း သန်လျင်တံတားပေါ်အဖြတ် လေအတိုက်၊ မိုးအလိုက် အခါတိုင်းမှာ သံသရာ သဘာဝအလှတွေကို ကျွန်တော်ချစ်တတ်ခဲ့တယ်။ အသားကို တိုးတိုးလေးကလိသွားတဲ့ အဲဒီရေငွေ့လေးတွေကို ကျွန်တော်မြတ်နိုးတတ်ခဲ့တယ်။ အိပ်ထောင်ထဲမှာ ထောင်တန်ထွက်ပြေးလို့ ဆာလောင်တဲ့ဒဏ်ကိုလည်း ကျွန်တော် မှတ်နိုင်ခဲ့တယ်။ မိုးသည်းတဲ့နေ့တွေ ကျောင်းထဲကို ပုဆိုးပေါက်ထိမပြီး အ၀တ်စိုစိုနဲ့ စာအုပ်တွေထိုင်ဖတ်၊ လေကန်ခဲ့တာလည်း ကျွန်တော် နှစ်သက်ခဲ့တယ်။ မိုးကြိုးလွှဲတတ်ထားတဲ့ကျောင်းခေါင်မိုးနားလျှောက်ပြီး မိုးကြိုးပစ်နိုင်တဲ့ အကြောင်းအရာတွေကို ပညာရှိဟန်ဖန်း ရမ်းတမ်းပြောခဲ့တာလည်း ကျွန်တော်မမေ့သေးဘူး။ လေးယောက်ပေါင်းမှ တစ်တန်း၊ အခန်းပိုင်မရှိ …… ပညာရှိဟန်ပီပီ စာအုပ်တွေ လိုင်ဘရီကချီခဲ့တာလည်း ပျော်စရာကောင်းသား………….။ ရထားစီးပြီးအပြန် သဘာဝဟန်တွေကို ရှုစား ငါးနာရီပဲကြာကြာ ရန်ကုန်ဘူတာကြီးထိ စီးခဲ့တာလည်း ပြီးခဲ့ပြီပဲလေ။

အိမ်ကိုအံတု စာ စာ ဟုအော်ခဲ့တာလည်း နောင်တမရပါဘူး။ အသပြာတော့ မူးချင်ပေမယ့် ထူးတဲ့စာတွေ လေ့လာသင်ယူခဲ့ရတာပဲ။ စာတစ်မျက်နှာ ၀င်းအင်းဝစာလုံးတွေနဲ့ တစ်ညလုံးအချိန်ဖြုန်းခဲ့တာလည်း ခုအကျိုးထူးပြီလေ။ သိချင်တာတွေကို တိုင်ခံဖြေပေးတတ်တဲ့ သူငယ်ချင်းတစ်သိုက်ကိုလည်း ခုတော့ လွမ်းချင်ချင်ပါပဲ။ မှတ်မိပါသေးတယ်လေ။ ကျွန်တော် တက္ကသိုလ်ကျောင်းမဟာမှာ ပထမစတက်တော့ သူတို့တွေ ဆွေးနွေးတဲ့ ကွန်မြူနစ်၊ အရှေ့ကနေ၀န်း၊ ဗန်းမော်တင်အောင် စတာ စတာတွေကို မသိတဲ့ကျွန်တော် မတီးမိ မခေါက်မိတဲ့ကျွန်တော် အန်တီကြီးရဲ့စမူစာကိုကိုက် လက်ဖက်ရည်ချိုတစ်ကျိုက်မော့ပြီး ပညာဆည်းပူးခဲ့တာပဲ။ နောက်တော့ နိဗ္ဗာန်ဆိုတာကို ဆွေးနွေး၊ ငြင်းခုန် အထုံမပါလို့လားမသိ ခုထိေ၀၀ါးတုန်း။ ခုတော့လည်း ကျောင်းမှာ အန်တီကြီးမရှိတော့ပြီ။ ခုတော့လည်း ကျွန်တော် သူငယ်ချင်းတော်တွေကြောင့် အငြင်းသန်ခဲ့လေပြီ။

တစ်ကယ်တော့ ကျွန်တော့ကိုချစ်တတ်အောင်သင်ပေးတာ ဇာနည် ……… အဲလိုဆိုမှားလိမ့်မယ်မထင်ဘူး။ သဘာဝတရားရဲ့အလှ၊ ၀ဏ္ဏပဘာကိုချစ်၊ နတ်ရှင်နောင် ပြာညိုသွယ်… အဲဒါတွေကအစ မိုနာလီဇာ အပြုံးကို အီအီးကုံးချင်တဲ့အကြောင်းအလည် သဘာဝကပေးထားတဲ့ လူတွေရဲ့ ပင်ကိုယ်ပုံကို အပြစ်မမြင်သင့်တဲ့အကြောင်းတွေ၊ လှည်းအကြီး ခွေးနင်းတဲ့ပုံစံတွေ၊ တိုင်မှာချည်တဲ့နွားအကြောင်းအဆုံး…………. ဘ၀ဆိုတဲ့ ရာသီဥတုဒဏ်ကို ချစ်တတ်တဲ့နှလုံးသားတစ်စုံနဲ့ ဘယ်လိုရင်ဆိုင်တယ်ဆိုတာတွေ……………………. ကြုံတုန်း ဒေါက်တာမတင်သန်းကိုပါ

ကျေးဇူးဥပကာတင်တင့်လောက်ပါတယ်။ ဇာနည့်အဆိုအရ အမေသန်းပေါ့။ ဟိုတစ်လောက စိတ်ညစ်တုန်း ဇာနည်ကတရားချခဲ့ပါသေးတယ်လေ။

ပြီးခဲ့တဲ့ အတိတ်တွေအရိပ်က စိတ်ပိတ်ကားမှာ ထင်…………ချစ်ခင်ခဲ့ဖူးတဲ့ မိ……..လည်း ဖုန်းခေါ်လို့မရ။ ဖြေသိမ့်စရာ ဒီဝေါ့ပရပ်မှာပဲ အတွေးတွေကိုအံချ………… စိတ်ဒုက္ခပေါ့သလိုလိုဖြစ်သား။ မှန်ခဲ့တာတွေလည်းရှိတယ်။ မှားခဲ့တာတွေလည်းရှိတယ်။ မှန်နေတာတွေလည်းရှိတယ်။ မှားနေတာတွေလည်းရှိတယ်။ ဘ၀ဆိုတာ စာတစ်အုပ်ဆိုရင် ကျွန်တော်ဆိုတဲ့ကောင်က ဘာဆက်ပြီးရေးခြစ်ဦးမလဲ………………။

တစ်ပိုင်းတစ်စ အောက်မေ့မိသမျှ ရုပ်ပုံလွှာ (မှတ်စု ၂)

ပထမတန်းအတွက် အမှတ်တစ်ရကတော့ ကျွန်တော့်ဘ၀ရဲ့ ပထမဆုံးနဲ့ အခင်ဆုံးသူငယ်ချင်းကောင်း စိုင်းအောင်ခမ်းနဲ့ ကြုံခဲ့တဲ့ကိစ္စပါပဲ။ တစ်ရက် ကျူရှင်မတင်ခင်လေးမှာ ကျွန်တော်တို့တွေ ဆရာမအိမ်ရှေ့က အုတ်ခုံလေးပေါ် လုပ်နေကြအတိုင်း အာလူးဖုတ်ကြတယ်။ ခဏနေတော့ လေပေါလှတဲ့ကျွန်တော်တို့ နှစ်ယောက် နေမထိထိုင်မသာဖြစ်လာတယ်။ ဖင်တစ်ကြွကြွ တစ်ရွရွဖြစ်လာတယ်။ မဖြစ်ဘူးဆိုပြီး သူနာပြုဆရာမဖြစ်တဲ့ ဆရာမရဲ့အစ်မဆီကို ပြေးဝင်မေးကြတယ်။ သူနာပြုဆရာမက အယားသက်သာအောင်လိမ်းဆေးပေးတယ်။ နောက်မှသိရတာက အဲဒီနေရာကို လူပျိုကာလသားတွေ ညည လာပြီး ဂီတာတီးသီချင်းဆိုတာကို နားမခံသာတဲ့ ဦးလေးကြီးတစ်ယောက် ခွေးလှေးယားသီးတွေ စေတနာပလပွနဲ့ ကျဲဖြန့်ခဲ့လို့တဲ့။

ကျွန်တော့်ဘ၀မှာ ပထမဆုံးကျတဲ့စာမေးပွဲ ..။ ကျွန်တော်မှတ်မှတ်ရရ ဒုတိယတန်း ပထမအစမ်းစာမေးပွဲမှာ အင်္ဂလိပ်စာ ၃၂ မှတ်နဲ့ စာမေးပွဲကျဖူးပါတယ်။ မထင်မှတ်ထားတာလေးတစ်ခုပါ။ ဒုတိယတန်းဆိုတော့ စာမေးပွဲဆိုတာ ဆော့ဖို့လောက် အရေးကြီးတယ်လို့ မယူဆခဲ့ဘူးလေ။ ဒါပေမယ့် စာမေးပွဲကျလို့ ထိုင်ထလုပ်ခိုင်းမှ စာမေးပွဲဆိုတာ အရေးကြီးမှန်း စာမေးပွဲကျလို့ ထိုင်ထလုပ်ခိုင်းခံရရင် ရှက်စရာကောင်းမှန်းသိလာခဲ့တယ်။ ဘယ်လိုပဲပြောပြော အဲဒီနေ့ဟာလည်း ကျွန်တော့်မျက်လုံးထဲ သမိုင်းဝင်ရုပ်ရှင် တစ်ကားလို ပြန်ပြန်ပြနေဆဲပါပဲ။

တတိယတန်းလည်းရောက်ကော … စာမေးပွဲကျဖူးခဲ့တဲ့ အရှိန်ကြောင့် စာတော်တော်ကြိုးစားခဲ့တယ်။ ကြိုးစားဖို့ ဖိအားအနည်းငယ် မဆိုစလောက်အပေးခံရလို့လဲဖြစ်မှာပေါ့။ အမှတ်ရစရာကတော့ ခေါင်ရည်မူးတာပါ။ ကလေးဆိုပေမယ့် ကိုယ့်ထက်အတန်းကြီးတဲ့ အကိုကြီးတွေနဲ့လိုက်ပြီး ကျောင်းနောက်ကရွာမှာ ခေါင်ရည်နဲ့ မသိတဲ့အသီးတွေစားတယ်လေ။ မမူးခံနိုင်လား။ အန်လည်းအန်တယ်။ မူးလည်းမူးတယ်။ အမေအရိုက်ခံရတဲ့ ပထမဆုံးအကြိမ်ပေါ့။ ကျောင်းပြေး၊ ခေါင်ရည်သောက် တုတ်ကောက်နဲ့ ရိုက်ခံရတယ်ပေါ့လေ။
စတုတ္ထတန်း … မှတ်မိသလောက်ကတော့ ဖိအားများတဲ့ ကျောင်းတက်နှစ်တစ်နှစ်ပဲ။ အရိုက်ကြမ်းတယ်ဆိုတဲ့ ဆရာမရဲ့ ကြိမ်လုံးအောက်ကို ဆိုက်ဆိုက်ရောက်တဲ့ရက်များတွေပေါ့။ မပျော်ခဲ့ပါဘူး။ အရှက်ကွဲလည်းခံရ။ အရှက်လည်းရ။ ပြန်မပြောချင်ပေမယ့် ပြန်တွေးရင် ပြုံးမိစရာပေါ့။ နောင်ကြီးလာလို့ အဲဒီဆရာနဲ့ပြန်တွေ့ပါတယ်။ သူလည်း မာန်တွေလျှော့သွားပါပြီး။ ကျွန်တော်လည်း သူကျွန်တော့်အပေါ်လုပ်ရက်ခဲ့တာတွေကို ပြန်မပြောဖြစ်တာများပါတယ်။ အဲဒီနှစ်က ကျွန်တော် အဆင့်တစ်နှစ်သုံးမရဘူး ဟီး။

ပဉ္စမတန်း …. မှတ်မှတ်ရရ မြန်မာပြည်ကလာတဲ့ ဆရာမတွေနဲ့အများဆုံးသင်ရတဲ့နှစ်။ မြန်မာစာသင်တဲ့ အရပ်ရှည်ရှည်၊ မျက်မှန်နဲ့ နာမည်မမှတ်မိတော့တဲ့ဆရာမ။ အတန်းပိုင်ဆရာမ ဆရာမနန်းလောဝ်။ အေခန်း၊ ဘီခန်းဆို နှစ်ခန်းခွဲတဲ့နှစ် ဘာလို့လဲဆိုတော့ အခြားမူလတန်းက ကျောင်းသားတွေ ရောက်တဲ့နှစ်မို့.. သချာင်္သင်တဲ့ဆရာမက မြို့နယ်အင်ဂျင်နီယာကတော်၊ အင်္ဂလိပ်စာသင်တာက ဆရာမဒေါ်တင်လေးမော်၊ ဒါက မှတ်မိသလောက်ပေါ့လေ။ လူပျိုပေါက်တဲ့နှစ်ပေါ့ ဟိ။ ကျောင်းပြတင်းပေါက်ကနေခုန်ပြန်ကျော်လွှားဆော့လို့ အရိုက်ခံရပေမယ့် သူငယ်ချင်းသစ်တွေနဲ့ ကဲရလို့ ပျော်မဆုံးမျှော်မဆုံးတဲ့နှစ်… သူငယ်ချင်းတွေ ရည်းစားစာပေးတဲ့ကိစ္စတွေမှာ ကူညီခဲ့တယ်။ ၀မ်းနည်းစရာတစ်ခုက အောင်ခမ်းတို့ မိသားစု ကွန်ဟိန်းပြောင်းသွားတယ်။ အိုက်ကူး ကောင်မလေးတစ်ယောက်ကိုရည်းစားစာပေးတယ်။

ကျွန်တော်ဝလုံးတွေ တော်တော်ရေးဖြစ်လိုက်တယ် (မှတ်စု ၁)

ကျွန်တော်ထိုက်ဆိုင်ပါ။ တောင်းလေးလေးဘက်ကာရံတဲ့မြို့လေးမှာ မွေးပါတယ်။ ကျွန်တော့်မြို့မှာ ကျွန်တော်ချစ်တဲ့ နမ်းပိန်းဆိုတဲ့ချောင်းလေးရှိပါတယ်။ သူများတွေအတွက်ကတော့ ရေတွေစီးဆင်းနေတဲ့ ချောင်းကလေးပေါ့။ ဒါပေမယ့် ကျွန်တော့်အတွက်ကတော့ အရေးကြီးလှပါတယ်။ ဘာလို့လဲဆိုတော့ အဲဒီနေရာမှာ ကျွန်တော့်ရဲ့ ပျော်ရွင်မှု၊ ကြည်နူးမှုတွေကိုတွေ့နိုင်ပါတယ်။ ဒါအပြင့် ကျွန်တော့်ရဲ့ကြောက်ရွံ့မှု၊ စိုးရိမ်မှု၊ ငိုကျွေးမှု၊ နာကျည်းမှု စတဲ့နာကျင်စရာတွေလည်းတွေ့နိုင်ပါတယ်။ ကျွန်တော့် မှတ်ဥာဏ်ထဲက ပုံရပ်တွေထားသိုရာ စမ်းချောင်းကလေးပါပဲ။

အဲဒီစမ်းချောင်းလေးကို အုပ်မိုးထားတဲ့ တောင်ပြာတန်းတွေလည်း ကျွန်တော်ရဲ့ ငိုကျွေးနေတဲ့ပုံရိပ်တွေကို တွေ့နိုင်ပါတယ်။ တောင်တန်းပေါ်မှာ ကြည်ညှိဖွယ်ရာ ထုံးဖြူစေတီလေးတွေဟာ ကျွန်တော့်ဘ၀ရဲ့စိတ်ဖြေရာ ငိုကျွေးရာနေရာ ဖြစ်နေလို့ပါပဲ။ တောင်တန်း၊ ထုံးဖြူစေတီ၊ စမ်းချောင်းလေး အဲဒါတွေအားလုံးဟာ ကျွန်တော့်ဘ၀ရဲ့ နားခိုရာနေရာဖြစ်ခဲ့ပါတယ်။

ကျွန်တော် သူငယ်တန်းတုန်းက အမှတ်ရစရာလေးတစ်ခုရှိတယ်။ ကျောင်းစတက်တာ တစ်ပတ်လောက်ပဲရှိတဲ့အချိန်ပေါ့။ သူငယ်ချင်းဆိုပြီးလည်း ရင်းရင်းနှီးနှီးမရှိသေးတဲ့အချိန်ပေါ့။ အဲဒီနေ့က ဆရာမက ၀လုံးတွေရေးခိုင်းတယ်။ ဘယ်သူမှ မထရဘူးပေါ့။ ကျွန်တော်လည်း ကျွန်တော့်ရဲ့ စာအုပ်နဲ့ ခဲတံမချွန်တစ်ချွန်လေးနဲ့ ၀လုံးတွေရေးတယ်။ ရေးတယ်။ ခဏနေတော့ ကျွန်တော် သေးပေါက်ချင်လာတယ်။ ဒါပေမယ့် ဆရာမရဲ့အသံကိုနားထဲကြားယောင်နေတော့ အပြင်သွားဖို့မပြောရဲဘူး။ သည်းခံအောင့်ပြီး ၀လုံးတွေဆက်ရေးတယ်။ ခဏကြာတော့မရတော့ဘူး။ ကျွန်တော့်ဘောင်းဘီအဟောင်းလေး သေးဆိုသွားတယ်။ ဝေခွဲမရနဲ့ ရှက်တယ်။ ဆရာမကိုလည်းမပြောရဲ။ ကြောက်လည်းကြောက်တယ်။ ထလည်းမထရဲ။ ဒါပေမယ့် အဲဒီနေ့က ကျွန်တော်ဝလုံးတွေ တော်တော်ရေးဖြစ်လိုက်တယ်။

ဟိမ၀န္တာတောင်ခြေရင်း ခတ္တမန္ဒူတောင်ကြားတွင် ပညာဆည်းပူးခြင်း

စိမ်းညို့နေသော တောင်ပြာတန်းကြီးက အိမ်နဲ့နီးလာပါလားဆိုတာကို သတိပေးနေသလိုပဲ။ အမား နဲ့လည်းတွေ့ရတော့မယ်။ ငါ့တူလေး မင်မင်နဲ့လည်းတွေ့ရတော့မယ်။ ပြီးတော့ ငါ့ရဲ့သူငယ်ချင်းတွေ မတွေ့ရတာ နှစ်ချီကြာနေတဲ့ ငါ့ငယ်သူငယ်ချင်းတွေနဲ့လည်း ပြန်တွေ့ရတော့မှာပါလား။ ငါ အိမ်ကိုပြန်ရောက်တော့မှာပါလား။ ထိုအသိက ရင်ထဲကိုစို့ခနဲ ဖြစ်နေစေ၏။ အိမ်… ဟိုအရင်တုန်းကတော့ ငါ အိမ်မှာနေရတာမပျော်ခဲ့ဘူး။ ခုတော့လွမ်းနေပါလား။ လူ့စိတ်က အဆန်းသားပါလားနော်။

ထိုသို့တောင်ပြာတန်းကြီးကို ငေးကြည့်နေရင်းရင်ထဲပို၍ ပို၍ စို့လာ၏။ ဒီတောင်ပြာတန်းတွေက င့ါဘ၀ရဲ့ဖြေသိမ့်ရာဖြစ်ခဲ့ဖူးသကိုး။ ငါစိတ်ညစ်နေတဲ့အခါ စိတ်သောကရောက်တဲ့ခါ ဒီတောင်တွေပေါ်တက်ပြီး သဘာဝနဲ့အတူလှဲအိပ် ကောင်းကင်ပိတ်ကားကြီးနဲ့ စိတ်ဖြေခဲ့ဖူးနေတာပဲ။ မဆီမဆိုင် ၀ိုင်ဝိုင်းရဲ့ အိမ်လွမ်းသူသီချင်းကိုစိတ်ထဲ ဆိုကြည့်နေမိ၏။ ထိုသို့ မှန်တံခါးအပြင်ဖက်က တောင်တန်းကြီးကို ကြည့်ပြီး သတိလက်လွတ်အတွေးနယ်ချဲ့နေရာကနေ လက်တွေ့ဆီသို့ စိတ်ပြန်လည်လာ၏။ ခုငါရောက်နေတဲ့နေရာက ငါ့အိမ်မဟုတ်ပါလား။ တိုင်းတစ်ပါးတို့နေရာ ….. တစ်ခုပါလား။

ဟိမ၀န္တာတောင်တန်းပတ်ကာရံထားတဲ့ နီပေါနိုင်ငံထရီပူရန်လေဆိပ်ဟာ ၀န်းရံထားသော ၀န်းကျင်၊ အဆောက်အဦးပုံစံတို့ကြောင့် ကျိုင်းတုံလေဆိပ်နဲ့တူလိုက်သလိုလို.. ဟဲဟိုးလေဆိပ်နဲ့လည်းဆင်သယောင်ယောင်…။ ခေတ်မီမှုက ရန်ကုန်အပြည်ပြည်ဆိုင်ရာလေဆိပ်ကြီးကိုမမီပေမယ့် အေးချမ်းသာယာတဲ့ဝန်းကျင်ရာသီ၊ ရင်းနှီးဖွယ် ၀န်ထမ်းတွေကြောင့် ချစ်စရာတစ်ခုပါပဲ။ စာအုပ်နီကြီးကိုစစ်တဲ့ကိစ္စပြီးတာနဲ့ လေဆိပ်အပြင်ကိုထွက်ခဲ့ကြတယ်။ ငါ၊ ရွှန်းလဲ့၊ ဆုဆု၊ ပီခမ်းဖုန်း၊ဆုမွန်ဖြိုး၊ ကိုအောင်ထိုက်မင်း၊ ကိုချစ်နဲ့ ကိုသာဇင်တို့ ရှစ်ဦးသား လာကြိုမယ့် လူကိုလူအုပ်ကြားထဲက ရှာကြည့်နေမိ၏။ သို့သော်မတွေ့ နောက်ပစ်မတွေ့.. ကိုချစ်က မြန်မာစကားကို သူ့လောက်နီးနီးပြောတတ်တဲ့ တစ်လေထဲစီး ဂျပန်တစ်ယောက်နှင့် ဗမာလို ပီပီသသကြီး နှုတ်ဆက်စကားပြောနေ၏။ နောက်ပြီး ကားငှားချင်တဲ့ကားသမားတွေနဲ့ စကားဖောင်ဖွဲ့နေလေရဲ့။ သိပ်မကြာပါဘူး… ကြိုမဲ့လူက ဆိုင်းဘုတ်လေးနဲ့ရောက်လာတယ်။ အထုတ်တွေနဲ့ ကားပေါ်ရောက်သွားတယ်။ ကင်မရာပိစိတွေထုတ်ပြီး မှတ်တမ်းတင်ကြတယ်။ အတွေ့ကြုံရင့်ကျတ်လှတဲ့ ဘတ်စကားအိုကြီးတွေနဲ့အတူ နောက်ဆုံးပေါ်ကားလေးတွေပြေးလွားနေတဲ့ကြားက နောက်ဆုံးတော့ အိမ်လုပ်နေရမယ့် နေရာကို ဆိုက်ဆိုက်ရောက်လာတော့တယ်။

အဆောက်ဦးကြီးက သေသပ်ခန့်ညားလှပေ၏။ ဒိန်းမတ်လူမျိုးဗိသုကာပညာရှင်ရဲ့လက်ရာလို့နောက်တော့သိရတယ်။ အတွင်းပြင်ဖွဲ့စည်းထားပုံက ကဗျာဆန်လှတယ်။ သစ်ပင်ပန်းမလ်တွေ ဝေေ၀ဆာဆာနဲ့ ဟိမ၀န္ဒာတောစပ် တောင်ကြားက အိမ်မှန်းသိသာလှပေတယ်။ ကြိုဆိုသူတွေနဲ့ မိတ်ဆက်စကားပြောကြပြီး ကိုယ့်အခန်းကို ဂျောင်းသွားကြလေတယ်။ တစ်ဖွဲ့လုံး ခရီးပန်းနေကြပြီကိုး…။

ရေချိုးပြီးခဏနားချိန်မှာ အခန်းဖော်ရောက်လာတယ်။ သူက နီပေါနောက်တောင်ပိုင်းကနေ ခတ္တမန္ဒူကို ၁၄ နာရီကားစီးပြီးလာတယ်လို့ပြောတယ်။ သူနဲ့ မိတ်ဆွေဖွဲ့ပြီး ထွေရာလေးပါးတွေပြောတယ်။ သူက ရွာမှာနေတာ… ဗြိတိသျှလိုတော့ တော်တော်ပြောနိုင်တယ်။ ရွာကလူနော်အဲဒါ…။

ညနေခင်း ခြောက်နာရီမှာ သမုဒ္ဒရာကြီးကို အစာဖြည့်တယ်။ ပြီးတော့ စတင်မိတ်ဆက်တဲ့အခန်းနားလေးမှာ လူ ၄၀ လောက်နီးနီးနဲ့တွေ့ဆုံမိတ်ဆက်စကားပြောပြီး ကိုယ့်အသိုက်လေးကိုပြန်ကာအိပ်စက်အနားယူကြတယ်။ အားလုံးနွမ်းလျှ ခရီးကလာကြတာမို့လေ…..

htaikseng’s emotional life business blog

Error: Twitter did not respond. Please wait a few minutes and refresh this page.

NetworkedBlogs

Enter your email address to follow this blog and receive notifications of new posts by email.

Join 194 other followers

Follow

Get every new post delivered to your Inbox.

Join 194 other followers