htaikseng

ဘ၀စာအုပ်ရဲ့ တစ်မျက်နှာ

Htaik Seng — Thu, 06 Oct 2011 16:37:35 +0000

ဘ၀ဆိုတာ သမုဒ္ဒရာထက်က ရေပွက်ပမာဆိုပေမယ့်လည်း ကျွန်တော့်အတွက်တော့ ရှည်ကြာလွန်းလှပါတယ်။ စက္ကန့်အချိန်တွေပုံစုလို့ နှစ်တစ်ခုသာ ထပ်ဖြတ်ကျော်ခဲ့တယ်။ ကျွန်တော်ဘာလဲ။ ဘယ်လဲဆိုတာ ခုထိတော့ မြူခိုးတွေဝိုးဝါးတုန်းပါပဲ။ အခြား အသိကျွမ်းတွေလို ဘာလို့ ဘာဖြစ်ချင်တယ်။ ညာဖြစ်ချင်တယ် ဆိုတဲ့ ပန်းတိုင်လှမ်းမမြင်နိုင်ရတာလဲလို့ ကိုယ့်အတ္တကိုအကြိမ်ကြိမ် စာမေးပွဲစစ်ခဲ့ပါတယ်။ ခုထိတော့ အဲဒီကိုယ်တိုင်စစ်တဲ့ စာမေးပွဲကိုပဲ ကျွန်တော် အောင်အောင်မဖြေနိုင်သေးပါဘူး။

အတိတ်က………….ဟိုးအရင် ကျောင်းတက်နေတုန်း သန်လျင်တံတားပေါ်အဖြတ် လေအတိုက်၊ မိုးအလိုက် အခါတိုင်းမှာ သံသရာ သဘာဝအလှတွေကို ကျွန်တော်ချစ်တတ်ခဲ့တယ်။ အသားကို တိုးတိုးလေးကလိသွားတဲ့ အဲဒီရေငွေ့လေးတွေကို ကျွန်တော်မြတ်နိုးတတ်ခဲ့တယ်။ အိပ်ထောင်ထဲမှာ ထောင်တန်ထွက်ပြေးလို့ ဆာလောင်တဲ့ဒဏ်ကိုလည်း ကျွန်တော် မှတ်နိုင်ခဲ့တယ်။ မိုးသည်းတဲ့နေ့တွေ ကျောင်းထဲကို ပုဆိုးပေါက်ထိမပြီး အ၀တ်စိုစိုနဲ့ စာအုပ်တွေထိုင်ဖတ်၊ လေကန်ခဲ့တာလည်း ကျွန်တော် နှစ်သက်ခဲ့တယ်။ မိုးကြိုးလွှဲတတ်ထားတဲ့ကျောင်းခေါင်မိုးနားလျှောက်ပြီး မိုးကြိုးပစ်နိုင်တဲ့ အကြောင်းအရာတွေကို ပညာရှိဟန်ဖန်း ရမ်းတမ်းပြောခဲ့တာလည်း ကျွန်တော်မမေ့သေးဘူး။ လေးယောက်ပေါင်းမှ တစ်တန်း၊ အခန်းပိုင်မရှိ …… ပညာရှိဟန်ပီပီ စာအုပ်တွေ လိုင်ဘရီကချီခဲ့တာလည်း ပျော်စရာကောင်းသား………….။ ရထားစီးပြီးအပြန် သဘာဝဟန်တွေကို ရှုစား ငါးနာရီပဲကြာကြာ ရန်ကုန်ဘူတာကြီးထိ စီးခဲ့တာလည်း ပြီးခဲ့ပြီပဲလေ။

အိမ်ကိုအံတု စာ စာ ဟုအော်ခဲ့တာလည်း နောင်တမရပါဘူး။ အသပြာတော့ မူးချင်ပေမယ့် ထူးတဲ့စာတွေ လေ့လာသင်ယူခဲ့ရတာပဲ။ စာတစ်မျက်နှာ ၀င်းအင်းဝစာလုံးတွေနဲ့ တစ်ညလုံးအချိန်ဖြုန်းခဲ့တာလည်း ခုအကျိုးထူးပြီလေ။ သိချင်တာတွေကို တိုင်ခံဖြေပေးတတ်တဲ့ သူငယ်ချင်းတစ်သိုက်ကိုလည်း ခုတော့ လွမ်းချင်ချင်ပါပဲ။ မှတ်မိပါသေးတယ်လေ။ ကျွန်တော် တက္ကသိုလ်ကျောင်းမဟာမှာ ပထမစတက်တော့ သူတို့တွေ ဆွေးနွေးတဲ့ ကွန်မြူနစ်၊ အရှေ့ကနေ၀န်း၊ ဗန်းမော်တင်အောင် စတာ စတာတွေကို မသိတဲ့ကျွန်တော် မတီးမိ မခေါက်မိတဲ့ကျွန်တော် အန်တီကြီးရဲ့စမူစာကိုကိုက် လက်ဖက်ရည်ချိုတစ်ကျိုက်မော့ပြီး ပညာဆည်းပူးခဲ့တာပဲ။ နောက်တော့ နိဗ္ဗာန်ဆိုတာကို ဆွေးနွေး၊ ငြင်းခုန် အထုံမပါလို့လားမသိ ခုထိေ၀၀ါးတုန်း။ ခုတော့လည်း ကျောင်းမှာ အန်တီကြီးမရှိတော့ပြီ။ ခုတော့လည်း ကျွန်တော် သူငယ်ချင်းတော်တွေကြောင့် အငြင်းသန်ခဲ့လေပြီ။

တစ်ကယ်တော့ ကျွန်တော့ကိုချစ်တတ်အောင်သင်ပေးတာ ဇာနည် ……… အဲလိုဆိုမှားလိမ့်မယ်မထင်ဘူး။ သဘာဝတရားရဲ့အလှ၊ ၀ဏ္ဏပဘာကိုချစ်၊ နတ်ရှင်နောင် ပြာညိုသွယ်… အဲဒါတွေကအစ မိုနာလီဇာ အပြုံးကို အီအီးကုံးချင်တဲ့အကြောင်းအလည် သဘာဝကပေးထားတဲ့ လူတွေရဲ့ ပင်ကိုယ်ပုံကို အပြစ်မမြင်သင့်တဲ့အကြောင်းတွေ၊ လှည်းအကြီး ခွေးနင်းတဲ့ပုံစံတွေ၊ တိုင်မှာချည်တဲ့နွားအကြောင်းအဆုံး…………. ဘ၀ဆိုတဲ့ ရာသီဥတုဒဏ်ကို ချစ်တတ်တဲ့နှလုံးသားတစ်စုံနဲ့ ဘယ်လိုရင်ဆိုင်တယ်ဆိုတာတွေ……………………. ကြုံတုန်း ဒေါက်တာမတင်သန်းကိုပါ

ကျေးဇူးဥပကာတင်တင့်လောက်ပါတယ်။ ဇာနည့်အဆိုအရ အမေသန်းပေါ့။ ဟိုတစ်လောက စိတ်ညစ်တုန်း ဇာနည်ကတရားချခဲ့ပါသေးတယ်လေ။

ပြီးခဲ့တဲ့ အတိတ်တွေအရိပ်က စိတ်ပိတ်ကားမှာ ထင်…………ချစ်ခင်ခဲ့ဖူးတဲ့ မိ……..လည်း ဖုန်းခေါ်လို့မရ။ ဖြေသိမ့်စရာ ဒီဝေါ့ပရပ်မှာပဲ အတွေးတွေကိုအံချ………… စိတ်ဒုက္ခပေါ့သလိုလိုဖြစ်သား။ မှန်ခဲ့တာတွေလည်းရှိတယ်။ မှားခဲ့တာတွေလည်းရှိတယ်။ မှန်နေတာတွေလည်းရှိတယ်။ မှားနေတာတွေလည်းရှိတယ်။ ဘ၀ဆိုတာ စာတစ်အုပ်ဆိုရင် ကျွန်တော်ဆိုတဲ့ကောင်က ဘာဆက်ပြီးရေးခြစ်ဦးမလဲ………………။

ရွာချင်ပေမယ့်လေး စိုမှာစိုးလို့ ………….

Htaik Seng — Sat, 01 Oct 2011 10:38:04 +0000

အားလုံးသိသလို စိတ်ဆိုတာ မှန်းဆရခက်သားလေ။ တစ်ခါတစ်လေ ဘာမဟုတ်တာလေးနဲ့လည်း စိတ်က ထိခိုက်ရပါလား။ ကံဆိုးတယ်လို့ပဲ ပြောရမလား။ ဒါကောင်းဖို့ ဖြစ်လာတယ်ပဲပြောရမလား မသိတော့ပါဘူး။

မိုးတွေလည်းရွာနေတယ်။ ငါလည်း ရွာချလိုက်ချင်တယ်။ ဒါပေမယ့် စိုမှာစိုးလို့………. ရင်ထဲစို့နင့်မှုတွေနဲ့ပဲ

နေ့စဉ်ရက်ဆက် တစ်နေ့တစ်ခါ Facebook စစ်ပါ (collection)

Htaik Seng — Thu, 07 Jul 2011 07:04:25 +0000

နေ့စဉ်ရက်ဆက် တစ်နေ့တစ်ခါ Facebook စစ်ပါ။ Request များကို စီစစ်ပါ။ လက်ခံလိုလျှင် လက်ခံပါ။ လက်မခံလိုလျှင် ပယ်လိုက်ပါ။ ကြိုးရှည်ရှည်နဲ့ လှန်မထားပါနဲ့။ ပရိသတ် ၅၀၀၀ ကျော်အောင် စွံသူများ Page လုပ်ကြပါ။ တစ်နေ့တစ်မျိုး မရိုးရအောင် status message တင်ပါ။ တစ်ပတ်တစ်ခ…ါ မရိုးရအောင် profile photo ပြောင်းပါ။ တစ်လတစ်ခါ မမှတ်မိအောင် နာမည် ပြောင်းပါ။ စင်ကာပူမှ Web Developer မိသက် Facebook မတက်သဖြင့် သူဌေးမှ အင်တာနက်သုံး၍ အလုပ်မလုပ်ဟုထင်ကာ အလုပ်ဖြုတ်လိုက်သဖြင့် လှိုင်သာယာတွင် အကြော်ဆိုင်ဖွင့်နေရသည်။ ချင်းမိုင်မှ မင်းခိုင် သူဌေး Request ကို မစီစစ်ပဲ Reject လုပ်သဖြင့် အမြင်ကတ်ပုဒ်မဖြင့် အလုပ်ပြုတ်ကာ လယ်ဝေး တွင် ဆိုင်ကယ် ကယ်ရီပြေး နေရသည်။ မလေးမှ သာအေး ဓာတ်ပုံမပြောင်း၊ နာမည် မပြောင်းသဖြင့် အော်ပရာစီဝင်ရာ လူကိုမှတ်မိသဖြင့် ပါသွားရာ မြန်မာနိုင်ငံပြန်ပို့ခံရပြီး ယခု ကမ်းနားလမ်းမှာ ကုန်တွေထမ်းနေရသည်။ စလုံးမှ ဖြူလုံး Facebook တွင် Post အတင်များသဖြင့် စာမေးပွဲဖြေပြီးနောက်နေ့ အလုပ်တန်းရသည်။ ဘန်ကောက်မှ မောင်ဘောက် သူငယ်များအရေအတွက်ကို ပတ်လည်ထိုးသဖြင့် ထိုင်းထီပေါက်သည်။ မလေးရှားနေ ကိုအေးငွေ တစ်လတစ်ခါ နာမည်ပြောင်းသဖြင့် သုံးနှစ်အထိ အိုဗာစတေးနေနိုင်သည်။ ဤစာကို သူငယ်ချင်း (၇) ယောက်၏ Wall တွင်ဖြန့်ဝေပါ။ ထောက်ကြန့်လမ်းဆုံ က ဂျမ်းဘုံ မဖြန့်ဝေသဖြင့် အင်တာနက်ဆိုင်မှအထွက် ခွေးဆွဲခံရသည်။ (လိုင်းမကောင်းလို့ သုံးဖို့စောင့်ရင်းမိုးချုပ်သွားတာ) တာမွေဈေးမှ မမြအေး ဖြန့်ဝေသဖြင့် ဘတ်စ်ကား စပယ်ယာမှ အသစ်စက်စက် ၁၀၀ တန်ပြန်အမ်းငွေရခဲ့သည်။ မြစ်ကြီးနားမှ မိဆွာနား မဖြန့်ဝေသဖြင့် ၃ ရက်ထမင်းမစားရဖြစ်ခဲ့သည်။ (ခေါက်ဆွဲနဲ့ ဒံပေါက်ပဲစားနေတာလေ) တောင်ကြီးမှ လျောင်ကီး ဖြန့်ဝေသဖြင့် ခေါက်ဆွဲဆိုင်ရောင်းကောင်းသည်။ (ကြော်ငြာပါ ထည့်ဝေတာကိုး) မိတ္ထီလာမှ မနီလာ မဖြန့်ဝေသဖြင့် အိမ်မီးလောင်သည်။ (တော်သေးတာပေါ့.. ကစားစရာအိမ်ဖြစ်နေလို့) လက်ပံတန်းမှ လှလှသန်း ဖြန့်ဝေသဖြင့် အမေရိကန် DV ပေါက်သည်။ ဤသည်ကား မှော်ဘီမှ ဂေါ်ဖီစားကာ တော်ကီပွားသော ပထမံ ဆြာသိန်း အိပ်မက်အလိုတည်း.. (မော်ပီ ဆရာသိန်းနှင့် လုံးဝ အမျိုးမတော်ပါ)

တစ်ပိုင်းတစ်စ အောက်မေ့မိသမျှ ရုပ်ပုံလွှာ (မှတ်စု ၂)

Htaik Seng — Thu, 22 Jul 2010 09:44:10 +0000

ပထမတန်းအတွက် အမှတ်တစ်ရကတော့ ကျွန်တော့်ဘ၀ရဲ့ ပထမဆုံးနဲ့ အခင်ဆုံးသူငယ်ချင်းကောင်း စိုင်းအောင်ခမ်းနဲ့ ကြုံခဲ့တဲ့ကိစ္စပါပဲ။ တစ်ရက် ကျူရှင်မတင်ခင်လေးမှာ ကျွန်တော်တို့တွေ ဆရာမအိမ်ရှေ့က အုတ်ခုံလေးပေါ် လုပ်နေကြအတိုင်း အာလူးဖုတ်ကြတယ်။ ခဏနေတော့ လေပေါလှတဲ့ကျွန်တော်တို့ နှစ်ယောက် နေမထိထိုင်မသာဖြစ်လာတယ်။ ဖင်တစ်ကြွကြွ တစ်ရွရွဖြစ်လာတယ်။ မဖြစ်ဘူးဆိုပြီး သူနာပြုဆရာမဖြစ်တဲ့ ဆရာမရဲ့အစ်မဆီကို ပြေးဝင်မေးကြတယ်။ သူနာပြုဆရာမက အယားသက်သာအောင်လိမ်းဆေးပေးတယ်။ နောက်မှသိရတာက အဲဒီနေရာကို လူပျိုကာလသားတွေ ညည လာပြီး ဂီတာတီးသီချင်းဆိုတာကို နားမခံသာတဲ့ ဦးလေးကြီးတစ်ယောက် ခွေးလှေးယားသီးတွေ စေတနာပလပွနဲ့ ကျဲဖြန့်ခဲ့လို့တဲ့။

ကျွန်တော့်ဘ၀မှာ ပထမဆုံးကျတဲ့စာမေးပွဲ ..။ ကျွန်တော်မှတ်မှတ်ရရ ဒုတိယတန်း ပထမအစမ်းစာမေးပွဲမှာ အင်္ဂလိပ်စာ ၃၂ မှတ်နဲ့ စာမေးပွဲကျဖူးပါတယ်။ မထင်မှတ်ထားတာလေးတစ်ခုပါ။ ဒုတိယတန်းဆိုတော့ စာမေးပွဲဆိုတာ ဆော့ဖို့လောက် အရေးကြီးတယ်လို့ မယူဆခဲ့ဘူးလေ။ ဒါပေမယ့် စာမေးပွဲကျလို့ ထိုင်ထလုပ်ခိုင်းမှ စာမေးပွဲဆိုတာ အရေးကြီးမှန်း စာမေးပွဲကျလို့ ထိုင်ထလုပ်ခိုင်းခံရရင် ရှက်စရာကောင်းမှန်းသိလာခဲ့တယ်။ ဘယ်လိုပဲပြောပြော အဲဒီနေ့ဟာလည်း ကျွန်တော့်မျက်လုံးထဲ သမိုင်းဝင်ရုပ်ရှင် တစ်ကားလို ပြန်ပြန်ပြနေဆဲပါပဲ။

တတိယတန်းလည်းရောက်ကော … စာမေးပွဲကျဖူးခဲ့တဲ့ အရှိန်ကြောင့် စာတော်တော်ကြိုးစားခဲ့တယ်။ ကြိုးစားဖို့ ဖိအားအနည်းငယ် မဆိုစလောက်အပေးခံရလို့လဲဖြစ်မှာပေါ့။ အမှတ်ရစရာကတော့ ခေါင်ရည်မူးတာပါ။ ကလေးဆိုပေမယ့် ကိုယ့်ထက်အတန်းကြီးတဲ့ အကိုကြီးတွေနဲ့လိုက်ပြီး ကျောင်းနောက်ကရွာမှာ ခေါင်ရည်နဲ့ မသိတဲ့အသီးတွေစားတယ်လေ။ မမူးခံနိုင်လား။ အန်လည်းအန်တယ်။ မူးလည်းမူးတယ်။ အမေအရိုက်ခံရတဲ့ ပထမဆုံးအကြိမ်ပေါ့။ ကျောင်းပြေး၊ ခေါင်ရည်သောက် တုတ်ကောက်နဲ့ ရိုက်ခံရတယ်ပေါ့လေ။
စတုတ္ထတန်း … မှတ်မိသလောက်ကတော့ ဖိအားများတဲ့ ကျောင်းတက်နှစ်တစ်နှစ်ပဲ။ အရိုက်ကြမ်းတယ်ဆိုတဲ့ ဆရာမရဲ့ ကြိမ်လုံးအောက်ကို ဆိုက်ဆိုက်ရောက်တဲ့ရက်များတွေပေါ့။ မပျော်ခဲ့ပါဘူး။ အရှက်ကွဲလည်းခံရ။ အရှက်လည်းရ။ ပြန်မပြောချင်ပေမယ့် ပြန်တွေးရင် ပြုံးမိစရာပေါ့။ နောင်ကြီးလာလို့ အဲဒီဆရာနဲ့ပြန်တွေ့ပါတယ်။ သူလည်း မာန်တွေလျှော့သွားပါပြီး။ ကျွန်တော်လည်း သူကျွန်တော့်အပေါ်လုပ်ရက်ခဲ့တာတွေကို ပြန်မပြောဖြစ်တာများပါတယ်။ အဲဒီနှစ်က ကျွန်တော် အဆင့်တစ်နှစ်သုံးမရဘူး ဟီး။

ပဉ္စမတန်း …. မှတ်မှတ်ရရ မြန်မာပြည်ကလာတဲ့ ဆရာမတွေနဲ့အများဆုံးသင်ရတဲ့နှစ်။ မြန်မာစာသင်တဲ့ အရပ်ရှည်ရှည်၊ မျက်မှန်နဲ့ နာမည်မမှတ်မိတော့တဲ့ဆရာမ။ အတန်းပိုင်ဆရာမ ဆရာမနန်းလောဝ်။ အေခန်း၊ ဘီခန်းဆို နှစ်ခန်းခွဲတဲ့နှစ် ဘာလို့လဲဆိုတော့ အခြားမူလတန်းက ကျောင်းသားတွေ ရောက်တဲ့နှစ်မို့.. သချာင်္သင်တဲ့ဆရာမက မြို့နယ်အင်ဂျင်နီယာကတော်၊ အင်္ဂလိပ်စာသင်တာက ဆရာမဒေါ်တင်လေးမော်၊ ဒါက မှတ်မိသလောက်ပေါ့လေ။ လူပျိုပေါက်တဲ့နှစ်ပေါ့ ဟိ။ ကျောင်းပြတင်းပေါက်ကနေခုန်ပြန်ကျော်လွှားဆော့လို့ အရိုက်ခံရပေမယ့် သူငယ်ချင်းသစ်တွေနဲ့ ကဲရလို့ ပျော်မဆုံးမျှော်မဆုံးတဲ့နှစ်… သူငယ်ချင်းတွေ ရည်းစားစာပေးတဲ့ကိစ္စတွေမှာ ကူညီခဲ့တယ်။ ၀မ်းနည်းစရာတစ်ခုက အောင်ခမ်းတို့ မိသားစု ကွန်ဟိန်းပြောင်းသွားတယ်။ အိုက်ကူး ကောင်မလေးတစ်ယောက်ကိုရည်းစားစာပေးတယ်။

ကျွန်တော်ဝလုံးတွေ တော်တော်ရေးဖြစ်လိုက်တယ် (မှတ်စု ၁)

Htaik Seng — Thu, 22 Jul 2010 09:22:42 +0000

ကျွန်တော်ထိုက်ဆိုင်ပါ။ တောင်းလေးလေးဘက်ကာရံတဲ့မြို့လေးမှာ မွေးပါတယ်။ ကျွန်တော့်မြို့မှာ ကျွန်တော်ချစ်တဲ့ နမ်းပိန်းဆိုတဲ့ချောင်းလေးရှိပါတယ်။ သူများတွေအတွက်ကတော့ ရေတွေစီးဆင်းနေတဲ့ ချောင်းကလေးပေါ့။ ဒါပေမယ့် ကျွန်တော့်အတွက်ကတော့ အရေးကြီးလှပါတယ်။ ဘာလို့လဲဆိုတော့ အဲဒီနေရာမှာ ကျွန်တော့်ရဲ့ ပျော်ရွင်မှု၊ ကြည်နူးမှုတွေကိုတွေ့နိုင်ပါတယ်။ ဒါအပြင့် ကျွန်တော့်ရဲ့ကြောက်ရွံ့မှု၊ စိုးရိမ်မှု၊ ငိုကျွေးမှု၊ နာကျည်းမှု စတဲ့နာကျင်စရာတွေလည်းတွေ့နိုင်ပါတယ်။ ကျွန်တော့် မှတ်ဥာဏ်ထဲက ပုံရပ်တွေထားသိုရာ စမ်းချောင်းကလေးပါပဲ။

အဲဒီစမ်းချောင်းလေးကို အုပ်မိုးထားတဲ့ တောင်ပြာတန်းတွေလည်း ကျွန်တော်ရဲ့ ငိုကျွေးနေတဲ့ပုံရိပ်တွေကို တွေ့နိုင်ပါတယ်။ တောင်တန်းပေါ်မှာ ကြည်ညှိဖွယ်ရာ ထုံးဖြူစေတီလေးတွေဟာ ကျွန်တော့်ဘ၀ရဲ့စိတ်ဖြေရာ ငိုကျွေးရာနေရာ ဖြစ်နေလို့ပါပဲ။ တောင်တန်း၊ ထုံးဖြူစေတီ၊ စမ်းချောင်းလေး အဲဒါတွေအားလုံးဟာ ကျွန်တော့်ဘ၀ရဲ့ နားခိုရာနေရာဖြစ်ခဲ့ပါတယ်။

ကျွန်တော် သူငယ်တန်းတုန်းက အမှတ်ရစရာလေးတစ်ခုရှိတယ်။ ကျောင်းစတက်တာ တစ်ပတ်လောက်ပဲရှိတဲ့အချိန်ပေါ့။ သူငယ်ချင်းဆိုပြီးလည်း ရင်းရင်းနှီးနှီးမရှိသေးတဲ့အချိန်ပေါ့။ အဲဒီနေ့က ဆရာမက ၀လုံးတွေရေးခိုင်းတယ်။ ဘယ်သူမှ မထရဘူးပေါ့။ ကျွန်တော်လည်း ကျွန်တော့်ရဲ့ စာအုပ်နဲ့ ခဲတံမချွန်တစ်ချွန်လေးနဲ့ ၀လုံးတွေရေးတယ်။ ရေးတယ်။ ခဏနေတော့ ကျွန်တော် သေးပေါက်ချင်လာတယ်။ ဒါပေမယ့် ဆရာမရဲ့အသံကိုနားထဲကြားယောင်နေတော့ အပြင်သွားဖို့မပြောရဲဘူး။ သည်းခံအောင့်ပြီး ၀လုံးတွေဆက်ရေးတယ်။ ခဏကြာတော့မရတော့ဘူး။ ကျွန်တော့်ဘောင်းဘီအဟောင်းလေး သေးဆိုသွားတယ်။ ဝေခွဲမရနဲ့ ရှက်တယ်။ ဆရာမကိုလည်းမပြောရဲ။ ကြောက်လည်းကြောက်တယ်။ ထလည်းမထရဲ။ ဒါပေမယ့် အဲဒီနေ့က ကျွန်တော်ဝလုံးတွေ တော်တော်ရေးဖြစ်လိုက်တယ်။

ဟိမ၀န္တာတောင်ခြေရင်း ခတ္တမန္ဒူတောင်ကြားတွင် ပညာဆည်းပူးခြင်း

Htaik Seng — Fri, 28 May 2010 11:36:22 +0000

စိမ်းညို့နေသော တောင်ပြာတန်းကြီးက အိမ်နဲ့နီးလာပါလားဆိုတာကို သတိပေးနေသလိုပဲ။ အမား နဲ့လည်းတွေ့ရတော့မယ်။ ငါ့တူလေး မင်မင်နဲ့လည်းတွေ့ရတော့မယ်။ ပြီးတော့ ငါ့ရဲ့သူငယ်ချင်းတွေ မတွေ့ရတာ နှစ်ချီကြာနေတဲ့ ငါ့ငယ်သူငယ်ချင်းတွေနဲ့လည်း ပြန်တွေ့ရတော့မှာပါလား။ ငါ အိမ်ကိုပြန်ရောက်တော့မှာပါလား။ ထိုအသိက ရင်ထဲကိုစို့ခနဲ ဖြစ်နေစေ၏။ အိမ်… ဟိုအရင်တုန်းကတော့ ငါ အိမ်မှာနေရတာမပျော်ခဲ့ဘူး။ ခုတော့လွမ်းနေပါလား။ လူ့စိတ်က အဆန်းသားပါလားနော်။

ထိုသို့တောင်ပြာတန်းကြီးကို ငေးကြည့်နေရင်းရင်ထဲပို၍ ပို၍ စို့လာ၏။ ဒီတောင်ပြာတန်းတွေက င့ါဘ၀ရဲ့ဖြေသိမ့်ရာဖြစ်ခဲ့ဖူးသကိုး။ ငါစိတ်ညစ်နေတဲ့အခါ စိတ်သောကရောက်တဲ့ခါ ဒီတောင်တွေပေါ်တက်ပြီး သဘာဝနဲ့အတူလှဲအိပ် ကောင်းကင်ပိတ်ကားကြီးနဲ့ စိတ်ဖြေခဲ့ဖူးနေတာပဲ။ မဆီမဆိုင် ၀ိုင်ဝိုင်းရဲ့ အိမ်လွမ်းသူသီချင်းကိုစိတ်ထဲ ဆိုကြည့်နေမိ၏။ ထိုသို့ မှန်တံခါးအပြင်ဖက်က တောင်တန်းကြီးကို ကြည့်ပြီး သတိလက်လွတ်အတွေးနယ်ချဲ့နေရာကနေ လက်တွေ့ဆီသို့ စိတ်ပြန်လည်လာ၏။ ခုငါရောက်နေတဲ့နေရာက ငါ့အိမ်မဟုတ်ပါလား။ တိုင်းတစ်ပါးတို့နေရာ ….. တစ်ခုပါလား။

ဟိမ၀န္တာတောင်တန်းပတ်ကာရံထားတဲ့ နီပေါနိုင်ငံထရီပူရန်လေဆိပ်ဟာ ၀န်းရံထားသော ၀န်းကျင်၊ အဆောက်အဦးပုံစံတို့ကြောင့် ကျိုင်းတုံလေဆိပ်နဲ့တူလိုက်သလိုလို.. ဟဲဟိုးလေဆိပ်နဲ့လည်းဆင်သယောင်ယောင်…။ ခေတ်မီမှုက ရန်ကုန်အပြည်ပြည်ဆိုင်ရာလေဆိပ်ကြီးကိုမမီပေမယ့် အေးချမ်းသာယာတဲ့ဝန်းကျင်ရာသီ၊ ရင်းနှီးဖွယ် ၀န်ထမ်းတွေကြောင့် ချစ်စရာတစ်ခုပါပဲ။ စာအုပ်နီကြီးကိုစစ်တဲ့ကိစ္စပြီးတာနဲ့ လေဆိပ်အပြင်ကိုထွက်ခဲ့ကြတယ်။ ငါ၊ ရွှန်းလဲ့၊ ဆုဆု၊ ပီခမ်းဖုန်း၊ဆုမွန်ဖြိုး၊ ကိုအောင်ထိုက်မင်း၊ ကိုချစ်နဲ့ ကိုသာဇင်တို့ ရှစ်ဦးသား လာကြိုမယ့် လူကိုလူအုပ်ကြားထဲက ရှာကြည့်နေမိ၏။ သို့သော်မတွေ့ နောက်ပစ်မတွေ့.. ကိုချစ်က မြန်မာစကားကို သူ့လောက်နီးနီးပြောတတ်တဲ့ တစ်လေထဲစီး ဂျပန်တစ်ယောက်နှင့် ဗမာလို ပီပီသသကြီး နှုတ်ဆက်စကားပြောနေ၏။ နောက်ပြီး ကားငှားချင်တဲ့ကားသမားတွေနဲ့ စကားဖောင်ဖွဲ့နေလေရဲ့။ သိပ်မကြာပါဘူး… ကြိုမဲ့လူက ဆိုင်းဘုတ်လေးနဲ့ရောက်လာတယ်။ အထုတ်တွေနဲ့ ကားပေါ်ရောက်သွားတယ်။ ကင်မရာပိစိတွေထုတ်ပြီး မှတ်တမ်းတင်ကြတယ်။ အတွေ့ကြုံရင့်ကျတ်လှတဲ့ ဘတ်စကားအိုကြီးတွေနဲ့အတူ နောက်ဆုံးပေါ်ကားလေးတွေပြေးလွားနေတဲ့ကြားက နောက်ဆုံးတော့ အိမ်လုပ်နေရမယ့် နေရာကို ဆိုက်ဆိုက်ရောက်လာတော့တယ်။

အဆောက်ဦးကြီးက သေသပ်ခန့်ညားလှပေ၏။ ဒိန်းမတ်လူမျိုးဗိသုကာပညာရှင်ရဲ့လက်ရာလို့နောက်တော့သိရတယ်။ အတွင်းပြင်ဖွဲ့စည်းထားပုံက ကဗျာဆန်လှတယ်။ သစ်ပင်ပန်းမလ်တွေ ဝေေ၀ဆာဆာနဲ့ ဟိမ၀န္ဒာတောစပ် တောင်ကြားက အိမ်မှန်းသိသာလှပေတယ်။ ကြိုဆိုသူတွေနဲ့ မိတ်ဆက်စကားပြောကြပြီး ကိုယ့်အခန်းကို ဂျောင်းသွားကြလေတယ်။ တစ်ဖွဲ့လုံး ခရီးပန်းနေကြပြီကိုး…။

ရေချိုးပြီးခဏနားချိန်မှာ အခန်းဖော်ရောက်လာတယ်။ သူက နီပေါနောက်တောင်ပိုင်းကနေ ခတ္တမန္ဒူကို ၁၄ နာရီကားစီးပြီးလာတယ်လို့ပြောတယ်။ သူနဲ့ မိတ်ဆွေဖွဲ့ပြီး ထွေရာလေးပါးတွေပြောတယ်။ သူက ရွာမှာနေတာ… ဗြိတိသျှလိုတော့ တော်တော်ပြောနိုင်တယ်။ ရွာကလူနော်အဲဒါ…။

ညနေခင်း ခြောက်နာရီမှာ သမုဒ္ဒရာကြီးကို အစာဖြည့်တယ်။ ပြီးတော့ စတင်မိတ်ဆက်တဲ့အခန်းနားလေးမှာ လူ ၄၀ လောက်နီးနီးနဲ့တွေ့ဆုံမိတ်ဆက်စကားပြောပြီး ကိုယ့်အသိုက်လေးကိုပြန်ကာအိပ်စက်အနားယူကြတယ်။ အားလုံးနွမ်းလျှ ခရီးကလာကြတာမို့လေ…..

ထိုက်ထိုင်လည်း သေမည်နှင့် အိပ်မပျော်ခင်နိုပ်မိသော ပေါက်တတ်ကရ လေးဆယ်ခုနှစ်ဒသမငါး

Htaik Seng — Tue, 01 Dec 2009 09:32:44 +0000

ဒီည ၂၀၁၂ ဆိုတဲ့ ယခုကမ္ဘာကြီးရဲ့ အဆုံးသတ်ကိုပုံဖော်ထားတဲ့ အနောက်တိုင်း ရုပ်ရှင်ကို ကြည့်လိုက်ပါတယ်။ ကြည့်လိုက်ရင်းကနေ သေခြင်းအကြောင်း အာရုံထဲမှာ ဖြစ်လာတယ်။ ပြီးခဲ့တဲ့ သုံးလေးရက်က ကျွန်တော့်ညီ အိမ်အမြန်ပြန်သွားတယ်လေ။ ရှမ်းပြည်ကိုပါ..။ အဖေနေမကောင်းလို့တဲ့…။ အဲဒီ စိတ်ကရင်ထဲမှာရှိနေသေးလို့လည်း ဖြစ်မှာပါ။

ကျွန်တော်ဟာ တစ်ကယ်ပြောရရင်တော့ သားဆိုးတစ်ယောက်မဟုတ်တောင် သားကောင်းတစ်ယောက်မဟုတ်ခဲ့ပါဘူး။ မိဘတွေကို ခုချိန်မှာ ဘာဒုက္ခမှ မပေးပေမယ့် ကာယကံမြောက် ပြန်မတွေ့နိုင်ခဲ့ဘူးလေ။ သြော် ငါ့မိဘတွေကိုများ ဆုံးရှုံးလိုက်ရရင် ဆိုတဲ့ စိတ်က နှလုံးသားကို အားငယ်စေပါတယ်။ သတ္တ၀ါတစ်ခု ကံတစ်ခု ဆိုတဲ့စကားပုံက ရင်ထဲရောက်လာတယ်။ လူဆိုတာသေမျိုး၊ ဖြစ်ပျက်တွေဝင်လာတော့ စိတ်သက်သာလာသလိုလို ဒါပေမယ့်ရင်ထဲမှာတော့ အတွေးတွေက ၀ဲလည်နေတုန်းပါဗျာ။

ဘ၀အဆုံးဖြစ်တယ်လို့ တစ်ချို့ယူဆကြတဲ့သေခြင်းကို တို့လူသားတွေ ဘယ်သူက ရှောင်ဖယ်လို့မရဘူးလို့သိရပါတယ်။ တစ်ခုပဲကွာကြမယ်ထင်တယ်။ ဘ၀ကိုနေပြီးသေသွားတဲ့လူနဲ့ မနေဘဲသေသွားတဲ့လူ ဒါပဲကွဲမယ်။

ကြားဖူးတဲ့ပုံလေးတစ်ခုလိုပေါ့။ တို့တွေကလေးဘ၀တုန်းက လူကြီးဖြစ်ချင်ကြတယ်။ အထက်တန်းဘ၀ရောက်တော့ တက္ကသိုလ်တက်ဖို့ အားထက်သန်ခဲ့တယ်။ ကျောင်းတက်နေရင်း ကျောင်းပြီးစေချင်လှတယ်။ အလုပ်လုပ်ချင်လွန်းလို့ ..။ နောက်တော့ အိမ်ထောင်ပြုပြီး ကလေးတွေရလာတယ်။ ကလေးတွေအတွက်ပေးဆပ်နေရလို့ ဘ၀ကြီးကသာယာနေတယ်။ အဲလိုနဲ့ အိုမင်းမစွမ်းဖြစ်ချိန်ရောက်တော့ အလုပ်လည်းမလုပ်တော့ဘူး။ အဲဒီလို သေဖို့နီးလာမှ ဘ၀အဓိပ္ပာယ်တစ်ခုကို ရိပ်မိလာတယ်။ သြော် ငါလေ တစ်ဘ၀လုံး အသက်ရှင်ခဲ့တယ်။ နေဖို့ မေ့နေပါရောလား။ နေဖို့ မေ့နေခဲ့ပါလား။

ငါကော နေမှာလား .. မနေဘဲသေမှာလား။ ဒါပေမယ့် လူတစ်ယောက်ရဲ့ ကြမ္မာဆိုတာ ဆိုလို့မရစကောင်းပါဘူး။ မအိုဘဲမယ့်လည်း သီးကင်းလေလို ကြွေကျနိုင်တာပဲ။ သဘာဝကြောင့်ဖြစ်ဖြစ် ပိုးထိုးလို့ဖြစ်ဖြစ် သစ်သီးတွေကြွေသလိုပေါ့။

သေမှာမလွှဲရင် တို့တွေ ဒီလောကထဲဘာလုပ်ဖို့လဲ။ ဗုဒ္ဓဓမ္မအရတော့ လောကမှာ ဖြစ်ပျက်နေရတာက ဒုက္ခ။ ဖြစ်ပျက်မရှိဘဲ ငြိမ်းချမ်းရာက နိဗ္ဗာန်.. ရောက်ရန်လမ်းက ရှစ်သွယ်.. ။ ရှင်းရှင်းလေးပါပဲ။ ဒါပေမယ့် ခုဒီမှာဆိုလိုတဲ့နိဗ္ဗာန်ဟာ ဘုံတစ်ခုခုကိုဆိုလိုတာမျိုးမဟုတ်ပါဘူး။ ဖြစ်ပျက်မရှိ အားလုံးချုပ်ငြိမ်းရာနေရာလေး ကို ဆိုလိုတာပါ။ တက္ကသိုလ်တက်တုန်းက အန်တီကြီးဆိုင်မှာ သူငယ်ချင်းတွေ နိဗ္ဗာန်နဲ့ပတ်သက်ပြီး ငြင်းကြ တာမှတ်မိသေးတယ်။ ဘုံဟုတ်မဟုတ်ပေါ့။ ပညာရှိကြီးတွေက ဘယ်လို ရှင်းပြသွားတယ်ပေါ့။ မဟာစည် ဆရာတော်ဘုရားဆုံးမသွားသလို သိချင်ရင် ကျင့်ကြံကြည့်ဆိုတာနဲ့ ငြိမ်သွားကြတယ်။

ဗုဒ္ဓဘာသာဆိုတာ ဂေါတမဗုဒ္ဓညွှန်ကြားအပ်တဲ့ လမ်းစဉ်အတိုင်းလိုက်သူကိုခေါ်တာတဲ့။ ဗုဒ္ဓဘာသာက ကိုးကွယ်တဲ့ဘာသာမဟုတ်။ ကျင့်သုံးတဲ့ဘာသာ။ ဆုတောင်းပူဇော်ရှိခိုးနေရုံနဲ့ မပြီးတဲ့ဘာသာ။ လိုက်နာ ကျင့်ကြံမှသာ ဗုဒ္ဒဘာသာ။ အပ္ပမာဒေထ သမ္မာဒေထ ဟူသတတ်။

ဂေါတမဗုဒ္ဓရဲ့ တရားတော် တွေထဲမှာ အကြိုက်ဆုံးက ကာလမသုတ်။ ဂေါတမ ကာလမနိဂုံး (ရွာ)အနီး တောထဲက ထွက်လာတော့ ရွာသူ၊ ရွာသားတွေက ရဟန်းကဘယ်သူလဲ စပ်စုကြတယ်ပေါ့။ အဲဒီတော့ ဂေါတမက ငါ ဘုရားလို့ဖြေတယ်။ ပရိသတ်တွေက ပြုံးရယ်ကြတယ်။ အကြောင်းစုံသိတော့ ဒီလိုပဲ ဒီတောထဲက ထွက်လာတဲ့ ရဟန်းတွေက ဘုရားလို့ပြောလွန်းလို့ ပြုံးရယ်ရကြောင်းသိရတယ်။ အဲဒီမှာ ဂေါတမမြတ်စွာဘုရားက ကာလမသုတ်လို့ အမည်တွင်မည့် တရားကို ဟောခဲ့တယ်။ ဘုရားပြောတယ်ဆိုလို့၊ မိဘလူကြီးပြောတယ်ဆိုလို့၊ ကိုချစ်တဲ့လူပြောတယ် ဆိုလို့ မယုံလိုက်နဲ့ ။ မိမိကိုယ်တိုင် ချင့်ချိန်ပြီးမှယုံဆိုတာလေးပါ့။

ဒါပေမယ့် ဥာဏ်နုလို့လား မသိ။ သေရာကကနေ နောက်တစ်ဘ၀ကူးတဲ့ကိစ္စကို လုံးဝပညာဥာဏ်မပွင့်ဘူး။ ဟိန္နူအယူအရတော့ လူတစ်ယောက် သေရင် နာမ်ခန္ဓာကြီးက ကျန်ခဲ့ပြီး ကျန်တဲ့ရုပ်တာကသာ မဟာဗြမ္မာကြီးဆီ ပြန်လည်ပေါင်းစည်းတယ်။ ဗုဒ္ဓ၀ါဒအရကျတော့ ရုပ်ကော၊ နာမ်ကော မကူးဘူး။ သတ္တိဓါတ်သာကူးတယ်ဆိုတယ်။ အဲဒီ သတ္တိဓါလေးဘယ်လိုကူးသလဲ။

သူငယ်ချင်းတွေနဲ့ ဆွေးနွေးတော့ အကောင်းဆုံးတစ်ခုနဲ့ရှင်းပြပါတယ်။ ဖယောင်းတိုင်မီးကူးသလိုပဲတဲ့။ နောက်ဖယောင်းတိုင်ကို ကူးသွားတဲ့မီးက ဟိုဖယောင်းတိုင်ကူးလာတာလည်းမဟုတ်ဘူး။ ဟိုဖယောင်းတိုင်လည်း မဟုတ်ဘူးတဲ့။ သူပြောသလိုဆိုတော့ သဘောပေါက်သလိုရှိပါတယ်။ ဒါပေမယ့် ဘ၀င် မကျချင်သေးဘူး။ သူပြောတာကိုလည်း မြင်လာတယ်။

ရင်းနှီးသူတွေပြောသလို ကိုယ့်ကိုကို ဆရာလုပ်တတ်တဲ့အကျင့်ရှိသာ သတိထားမိပါတယ်။ ခက်တာက အဲဒီ သတိ လွတ်လွတ်ပြီး ဆရာလုပ်မိသလိုဖြစ်သွားတတ်တယ်။ အဲလိုဖြစ်ခဲ့တယ်။ ဖြစ်နေတယ်။ ဖြစ်ဦးမယ်။ ဒါကြောင့် အားလုံးကို တောင်းပန်ပါတယ်။ ဗွေမယူပါနဲ့လို့။ ဗွေယူချင်လည်းယူပါ။ အားလုံးသေမျိုးပဲဟာ။

ကျမ်းခိုးစာရင်း- ကျော်ဝင်း- သစ္စာရှာဖို့မြင်းစီးသူနဲ့ အခြားဖတ်မှတ်သမျှ၊ သူငယ်ချင်းတွေနဲ့ တာဝက အန်တီကြီးဆိုင်၊ ကိုရင်အောင်သန်းဆိုင်၊ သုံးခွဆိုင်၊ အတန်းထဲမှာ သူများတွေ စာကိုအာရုံမရလောက်အောင် လေကျယ်ကျယ်နဲ့ ပညာရှင်ယောင်ဆောင်ဆွေးနွေးခဲ့တဲ့သမျှအပြင် စိတ်ကူးထဲပေါ်ရာတွေကို ကျမ်းခိုးထားပါတယ်။

မသေခင်ရေးဦးမယ် စိတ်ထဲရှိသမျှကိုကွယ်။ ဖတ်လျှင်ဖတ်သူ၏ တာဝန်သာဖြစ်၏။ ကျွန်ပ်မည်သည့်ကိစ္စကိုမျှ တာဝန်မယူ။ တာဝန်မခံ။ တာဝန်မရှိ။ ကိုယ်ရေးပြီးလျှင်ကိုယ့်ကိစ္စပြီးပြီမှတ်၏။ မပြီဘူးယူဆလျှင် အရေထူလျှင် ငြင်းနိုင်၏။ လိပ်ဂျပိုးမျိုးရိုးများကိုပင် အရှက်မရှိငြင်းတတ်သူ သူငယ်ချင်းရှိ၏။

ပလောဂ့်တွေ ခေတ်စားတဲ့ခေတ်ဆိုပြန်တော့လည်း ကိုယ်လည်းလေ လောကီသားပေဖို့ကြွားချင်လှပေလိမ့်ဆိုသလို တွေးမိတွေးရာရေးမိနေဦးမှာပါ။ အချို့က ပြောပါတယ်။ ကိုယ့်အကြောင်း အူမချေးခါးမကျန် ယခုလို ပြောသူများဟာ မရှက်၍သာဆိုပြီး။ ပြောလည်းခံရပါမယ်။ မျက်စိဖုန်ဝင်တယ်ဆိုလည်း မဖတ်ဖို့သာ အကြံပေး လိုပါတယ်။ ရကန်စာဆိုတွေလို ပြန်ပြောရရင်တော့ အဲလိုသာ အူမချေးခါးမကျန်ရေးလို့ထင်တယ် ဆရာပီမိုးနင်း၊ ဆရာသော်တာဆွေတို့ နာမည်ကြီးနေတယ်လေ။

ယခုခေတ်ခါကြီးမှာ သူငယ်ချင်းတွေအချင်းချင်းတောင် လူချင်းတွေ့ပြီး ရင်ဖွင့်ကြိဖို့အချိန်သိပ်မရှိကြဘူး။ ဂျီတော့ ပြောရင်ပြောဖြစ်ကြမယ်။ ဂျီမေးနဲ့ အပြန်လှန် သတင်းပေးပို့ ဆွေးနွေးကောင်း ဆွေးနွေးမယ်။ လူချင်းအတွေ့ နည်းနည်းလာတယ်။ အဲဒီတော့ တစ်ယောက်တွေးမြင်သိ ခံစားတာတွေကို တစ်ယောက်သိဖို့မလွယ်လှဘူး။ အဲဒါကြောင့် ကိုယ့်စိတ်ထဲပေါ်သမျှ မှတ်တမ်းတင်ရင်း ဖတ်တဲ့သူတွေကို ဖျော်ဖြေခွင့်ရရင်ရ၊ ဟဲ့နင်ရေးတာတွေ မဆိုးဘူး ချီးကျူးခံရလည်းမနဲဆိုပြီး ရေးမိပြမိတာပါဗျာ။ မျက်နှာစာအုပ်ပေါ်မှာ ကိုရေးထားတာကို လက်မထောင်တဲ့ပုံလေးနိုပ်တဲ့ လူများရင် လိပ်မျိုးနွယ်လူပဲ ပျော်တာပေါ့ဗျာ။ အဲဒါတင်မကဘဲ ဇော်ဂျီဖောင့်လေး တွေနဲ့ဖြစ်ဖြစ် အင်္ဂုလိစာ၊ ဗြိတိသျှစာ၊ အမေရိကန်စာ၊ ဗားကလစ်၊ မြန်းကလစ်စာလေးတွေနဲ့ ကောထားရင် လည်း ကြိုက်မှကြိုက်.. ငါ့ခံစားချက်ကို ဂရုစိုက်တဲ့ လူသားပီသသူတွေရှိပါသေးတယ်လို့ တွေးရင်း ၀မ်းသာပီတိ ဂွမ်းဆီထိသလိုဖြစ်ရပါတယ်။ ဘယ်လောက်ဝမ်းသာသလဲဆို နူးညံ့တဲ့ဂွမ်းကို ဆီဆွတ်လိုက်လို့ ပိုနုးညံ့သွားသ လိုခံစားရတာကိုပြောတာပါ။ ဤကားစကားချပ်။

တစ်ကယ်တော့ ဒီစကားလုံးလေးတွေကို ကီးဘုတ်ပေါ်နိုပ်နေချိန်မှာ သိပ်နေမကောင်းပါဘူး။ အတွေးတွေလည်း ရူးနေပါတယ်။ သောက်ထားတဲ့ ဆေးရှိန်ကြောင့် အိပ်ချင်လာလိုက်၊ ကဖင်းကြောင့် မျက်လုံးကျယ်လာလိုက်၊ ပျက်သွားတဲ့မီးကြောင့် မျက်စိသူငယ်အိမ်ကျယ်လာလိုက်၊ ပြန်လာတဲ့မီးကြောင့် ပြန်ကျဉ်းလိုက်နဲ့လည်းဖြစ်နေ တယ်။ ဟိုသီးချင်းလိုပေါ့။ သွားရမည့်ခရီးက မိုင်ထောင်ချီဝေးသေးသည် ငါမအိပ်ခင်ဆိုသလိုပဲ။

ခုဆို ဒီလောကမှာ နေလာတာ ၂၄ နှစ်၊ ၅လနဲ့ ၁၀ရက်ရှိပါပြီ။ အများအကျိုးအတွက်လည်းငါဘာမှ မလုပ်ရသေးဘူး။ ငါ့အတ္တအတွက်ကော ဘာများလုပ်သေးလို့လည်း။ နေ့ရှိသမျှ … ခုနေသေရင်ဘယ်လို နေမလဲနော်။ ငါသေနိုင်ပြီလား။ နောင်ဘ၀ဆိုတာကြီးတော့ မလိုချင်ဘူး။ သေရင်ပြီးချင်ပြီ။ ပျော်တယ် မပျော်ဘူးဆိုတာထက် ငါမနေချင်ဘူး ဘ၀ကို။ လောကကိုစွန့်ချင်နေတာ မဟုတ်ပေမယ့် မတွယ်တာချင်တာ။ ဒါပေမယ့် တွယ်တာနေသေးတယ်။ သေချင်လားဆိုရင် မသေချင်ဘူး။ ကြောက်လားဆို ကြောက်တယ်။ နေ့တိုင်းအကုသိုလ်လုပ်နေတယ်လေ။ ဘာအကုသိုလ်လဲဆိုရင် နေ့တိုင်းသတ်နေတယ်။ ခြင်သတ်တယ်။ ပိုးဟပ်ကို နေ့တိုင်း ဖိနပ်နဲ့ဒေါသတစ်ကြီးဖိသတ်တယ်။ ပုရွတ်စိတ်တွေကို ရေနဲ့လောင်းတယ်။ ဆေးဖြန်းတယ်။ အဲဒီအကောင်လေးတွေနဲ့ ကြွက်ကိုနေ့တိုင်း ဒေါသဖြစ်ရတယ်။ သူများအသားပါမှ ထမင်းစားကောင်းတော့ သတ်တာကို အားပေးတာနဲ့တူတယ်။ ၀က်သားသည်ကလည်း အလေးခိုးမှမြတ်မှာဆိုတော့ ခိုးမယ်ထင်တယ်။ အဲဒါကို သိရက်နဲ့ ၀ယ်ယူအားပေးနေတယ်။ အကုသိုလ်အားပေးတဲ့သဘော မဟုတ်လား။ အိမ်အောက် ယုဇနနောက်ဆုံးကားဆိုပြီး တစ်ညတစ်ည နောက်ဆုံးကား ဆယ်စီးလောက်ထွက်နေတာလည်း မုဒိသာပွားပေးနေရတယ်။ ကဲ ဘာကျန်သေးလဲ ကောင်းတာ။ စိတ်ထဲဝမ်းနည်းနေပေမယ့် ပြုံးပြနုတ်ဆက်နေရတာကော လိမ်ရာမကျပြန်ဘူးလား။ အသက်ရှုလိုက်တိုင်း ….. ဘာမှမလွတ်တော့သလိုပဲ။

မရေရာမသေချာ ပျက်စီးလွယ်သော အနာဂတ်မဲ့ဘ၀ကိုပိုင်ဆိုင်ထားသူ ခုစာဖတ်ရင်းလည်း စာရေးသူက သက်ရှိထင်ရှား ရှိချင်မှရှိတော့မှာ။ အချိန်မရွေးသေနိုင်တယ်။ ဆက်ထိန်းထားကြ အဲဒီသိက္ခာတွေ၊ မာနတွေ သေရင်လည်း သယ်သွား … ကူးတို့ခအပြင် တန်ဆာခပါများများဆောင်ရမှာဆိုတော့ ဒေါ်လာတွေလည်း ဆုထား။ နာရေးမှာ လှလှပပကြော်ငြာဖို့ ဘွဲ့တွေ၊ ဂုဏ်တွေလည်းများများရှာထား.. သား၊ သမီးတွေ အမွေလု ပြီးရန်သူဖြစ်အောင် ပိုင်ဆိုင်မှုတွေလည်းများများ ချိန်သွား။

မသေခင် နားခွင့်ပေးပါဦးခင်ဗျာ။ ကဲရွာစားကြီး ယူရိုဗေဒါရေ အီးဗွီဒီလေးကို ဖွင့်ပါလို့ နားလိုက်စို့လား။ …

၁ ရက် ၁၂ လ ၂၀၀၉ ခုနှစ် နံနက် ၁ နာရီ ၁၁ မိနစ် ၁၁ စက္ကန့်။ (ကီးဘုတ်နိုပ်ချက်ပေါင်း ၁၁၁၁၁၁)

Mother Teresa (26 August 1910 – 5 September 1997)

Htaik Seng — Wed, 25 Nov 2009 05:16:03 +0000

The Paradoxical Commandments:

People are illogical, unreasonable, and self-centered.
Love them anyway.

If you do good, people will accuse you of selfish ulterior motives.
Do good anyway.

If you are successful, you will win false friends and true enemies.
Succeed anyway.

The good you do today will be forgotten tomorrow.
Do good anyway.

Honesty and frankness make you vulnerable.
Be honest and frank anyway.

The biggest men and women with the biggest ideas can be shot down by the smallest men and women with the smallest minds.
Think big anyway.

People favor underdogs but follow only top dogs.
Fight for a few underdogs anyway.

What you spend years building may be destroyed overnight.
Build anyway.

People really need help but may attack you if you do help them.
Help people anyway.

Give the world the best you have and you’ll get kicked in the teeth.
Give the world the best you have anyway.

by Dr. Kent M. Keith

နတ်သုဒ္ဓါမှီဝဲသော ကလေးများနှင့် နှလုံးသားပဲ့တင်ထပ်သံ

Htaik Seng — Mon, 23 Nov 2009 05:09:14 +0000

ကံကောင်းစွာမီးကပျက်၍ တိတ်ဆိတ်ငြိမ်သက်နေသည်။ ပတ်ဝန်းကျင်တစ်ခုလုံး “ယုဇန၊ ယုဇန နောက်ဆုံးကား ” ဟုအော်နေသံမှတစ်ပါး လမ်း ၄၀ တစ်ခွင်လုံး မြူမှုန်မ၀ါးတစ်ဝါးကြားတွင်မည်သည့်အသံမှမကြားရချေ။ ညက နွမ်းလျလျအပျိုလေးတစ်ယောက်အလား နွမ်းလျလျက်နှင့်ပင် မခို့တစ်ယို့လေးလှနေ၏။ ကွန်ပစ်တာ ညာထောင့်က ၃:၄၅ ဟူသောဂဏန်းက ကျွန်တော့်အား မျက်စိကျယ်သွားစေသည်။ ဘုရား ဘုရား ငါအမှောင်ထဲက ကွန်ပစ်တာရှေ့မှာထိုင်နေတာ ခုဆို အရုဏ်လင်းလုလုပါပဲလား။

ချစ်သူရယ် … မဟုတ်ဘူး။ မဟုတ်တော့ပါဘူးလေ။ ချစ်ခဲ့ဘူးသူရယ် နင်ခုထိငါ့ရင်ထဲ သုံးဘက်မြင်နှလုံးသားရုပ်ရှင်ကားကြီးကို ရသစုံလင်အောင်လှုပ်ခတ်ပြသနေစေတုန်းပါပဲလား။ ဒီလိုပါပဲ။ ဒီလိုမြူတွေဆိုင်းတဲ့ညက… ငါက ဟိုးအဝေးလွယ်ဆောင်းတောင်နားက မြို့လေးမှာ ငါ့အခန်းထဲ တစ်ဦးတည်းတိတ်ဆိတ်လို့ပေါ့။ အဲဒီတုန်းက အေးလှတဲ့ရှမ်းပြည်ရဲ့ဆောင်းညဆိုပေမယ့်လည်း ငါ့ရင်ထဲနွေးနေတယ်လေ။ အဲဒီညက နင် လေလှိုင်းထဲကတစ်ဆင့် “ချစ်တယ်” လို့စကားနှစ်လုံးနဲ့ ဖုန်းချသွားခဲ့တယ်လေ။ စကားပြောတဲ့ဟာကို တီထွင်တဲ့လူကို ငါ့မှာပြေးပြေးပြီး ကျေးဇူးတင်လိုက်မိတဲ့ည။ အိတ်ချိန်းရုံးမှာ ထခုံမတတ် ရွနေတဲ့ငါ့ကို သူငယ်ချင်းကနားမလည်တဲ့ မျက်ဝန်းတွေနဲ့ကြည့်ပြီး ခေါင်းခါပြခဲ့တယ်။ ဖုန်းရုံးကအထွက် ငါ့ဆိုင်ကယ်က အေးလှတဲ့ရှမ်းပြည်ကဆောင်းလေကို ခွင်းရင်း မြင်းပျိုလေးပမာ ခုန်ပေါက်ပြန်လာခဲ့တယ်။ ရင်ထဲမှာနွေးနေတယ်။ ငါမအေးပါဘူးကွယ်။ ငါနည်းနည်းလေးမှ မအေးစက်ခဲ့ပါဘူး။

ပြန်တွေးတာနဲ့တင် ငါ့ရင်ထဲနွေးလာသလလိုလိုပါလား။ အိုမဟုတ်ဘူး။ တစ်ဆစ်ဆစ်လေးနဲ့ နာကျင်နေတာပါ။ ကိုယ့်ကိုကို လိမ်မနေပါနဲ့ကွယ်။ မင်းနာကျင်နေတယ်ဆိုတာ ၀န်ခံလိုက်စမ်းပါ။ သတ္တိရှိစမ်းပါကွာ။ အသည်းကွဲတယ်ဆိုရင် ပက်ပက်စက်စက်ကွဲလိုက်လေကွာ။ ဟင့်အင်း .. မဟုတ်ဘူး။ ငါဘာမှမဖြစ်ဘူး။ ဒါလောကဓံပဲ။ ဘာဖြစ်ရမှာလဲ ဒါလောက်လေးနဲ့။ ဒီလိုဆိုးတဲ့ဟာတွေနဲ့လည်း ငါကြုံခဲ့တယ်။ ဒါပေမယ့် ငါပြန်ထနိုင်ခဲ့တယ်။ ငါမျက်ရည်ပုလဲပန်းတော့ ပွင့်ကြွေမခံနိုင်ဘူး။ငါမငိုဘူး။ မငိုဘူးဆိုပေမယ့် လျှာပေါ်က ငန်ကျိကျိအရသာက ကျွန်တော့်ခံစားချက်ကို သက်သေပြနေသလား။ လှောင်ရယ်နေသလား မသိရကား။

မီးဖိုထဲလေးလံတဲ့ခြေလှမ်းတွေကို ရေတွက် ရေခွက်ကြီးကြီးတစ်ခွက်ထဲကရေကို ဒေါသတစ်ကြီးမျိုချလိုက်တယ်။ အားပါး နှလုံးသားထဲထိ ချိုစိမ့်သွားသလိုပဲ။ ပြီးတော့ ၀ရန်တာမှာ လရောင်အောက်က နီရဲနေတဲ့ ၀န်ကြီးရုံးဟောင်းကြီးကို အဓိပ္ပာယ်မဲ့လှမ်း ကြည့်လိုက်မိတယ်။ ၀ိုးတစ်ဝါးလရောင်အောက်က နီရဲရဲဗိမာန်ကြီးတွေက ကျွန်တော့်ကို … နှစ်သိမ့်နေသယောင်…။ မဟုတ်ပါဘူးကွာ။ အိုဟောင်းနေတဲ့အဆောက်ဦးကြီးက မင်းရဲ့အတိတ်ကို ပြန်လှစ်ဟပြတာပါဟ။ ငါစာနာပါတယ်ဆိုတဲ့သဘောနဲ့ပေါ့။ အင်းလေ ဖြစ်ပြီးမှတော့ ထားပါတော့ကွာ။ အဖြစ်တွေက ကြာခဲ့ပြီလေ။ ကြာခဲ့ပြီလေ။ ဟိုးအတိတ်ကို အတိတ်မှာပဲ ….

အခန်းထဲပြန်ဝင်ပြီး သေတ္တာထဲက အကြိမ်ပေါင်းများစွာဖတ်လို့ ခေါက်ရိုးကျေနေတဲ့ စာရွက်ခေါက်လေးကို ဖြန့်ပြီးတိုးတိုးလေးဖတ်ကြည့်မိပြန်တယ်။ ” ငါနင့်ကိုချစ်တယ်ဆိုတာ နင်သိပါတယ်ဟာ။ ခုဟာကလည်း ငါနင့်ကို မချစ်လုိ့မဟုတ်ပါဘူး။ ငါ့ဘ၀အခြေနေအရ.. ငါ့မိသားစုအရေးကို ငါ….. ” နင်ရဲ့ဝိုင်းစက် သပ်ရပ်တဲ့လက်ရေးလေးတွေက ငါ့ကိုပြုံးပြုံးပြီးပြောနေတယ်။ နင့်ရုပ်ပုံလွှာလေးလည်း ငါ့စိတ်မျက်စိမှာ ဖျက်ကနဲ၊ ဖျက်ကနဲ ကြယ်ကြွေသလိုလင်းလက်နေတယ်။ ထားပါတော့ကွယ်။ ထားပါတော့။

သူငယ်ချင်းတစ်ယောက်ပြောဖူးတယ်။ လူတိုင်းမှာဖွင့်ပြောလို့မရတဲ့နောက်ခံသမိုင်းကြောင်းကိုယ်စီရှိတယ်တဲ့။ ဟုတ်မှာပါလေ။ ဒါဟာင့ါရဲ့ နောက်ခံသမိုင်းလေးလား။ ထားပါတော့။ ထားပါတော့။ အေးစက်နေတဲ့ ကြွေခွက်လှလှထဲက လက်ကျန်ကော်ဖီအေးစက်စက်ကို မော့ချနေရင်း … ဖျက်ဖျက် ဆိုပြီး လျှပ်စစ်ဖန်ချောင်းက လင်းလာတယ်။ ဟေး လို့တော့ထမအော်မိပါဘူး။ နာရီကိုကြည့်လိုက်တော့ ၆:၀၀ တဲ့။ သြော် လင်းရောင်ခြည်တောင် ပွင့်ကိုမြင်တော့ ငါဒီနေ့ ကျောက်တန်းကို သူငယ်ချင်းတွေနဲ့သွားရမှာပါလားလို့ သတိဝင်လာရင်း မီးဖိုထဲဝင် ရေနွေးအိုးထဲ ရေလောင်းထည့်လိုက်တယ်။ ငါကော်ဖီသောက်ရမယ်။ ငါ့သွေးသား မဟုတ်ဘူး စိတ်ဝိဥာဉ် ကဖင်းဓါတ်လိုအပ်နေပြီလေ။ နင့်ကို ငါကျီစယ်ခဲ့တာကိုအမှတ်ရသေးတယ်။ ငါအချစ်ဆုံးကဘယ်သူလဲဆိုတော့ ကော်ဖီ ပြီးရင်နင်ဆိုတာလေ ။ အဲလိုပြောတိုင်းနင်ငါ့ကို အနိုင်ကျင့်ကလိထိုးနေကျလေ။ ဟိ ပြောရင်းနဲ့တောင် ယားလာသလိုပဲ။

နိုးထတဲ့မနက်တိုင်းနင်ဖျော်ပေးတဲ့ကော်ဖီကို ငါမမျှော်လင့်တော့ပါဘူး။ အင်းလေမမျှော်ကောင်းတော့တာပါ။ ဘူးထဲက ကိတ်မုန့်တစ်ချပ် ၀ါးရင်း ရေနွေးဆူနေတာကို ကြည့်နေမိတယ်။ မဆီမဆိုင် အချစ်နဲ့ရေနွေးပွက်တာကို ယှဉ်စဉ်းစားကြည့်လိုက်သေးတယ်။ သီအိုရီအသစ်ထုတ်နို်င်မလားဆိုပြီးတော့လေ။ အတွေးနယ်ထဲဝဲရင်း ဘူးထဲက နက်စ်ကော်ဖီမုန့်လေးတွေကို ကြွေခွက်ထဲ ခါထည့်လိုက်တယ်။ ရေနွေးဆူဆူက ခွက်တစ်ခွက်လုံးကို မဲတူးသွားစေတယ်။ အား… သင်းရနံ့လှိုင်လိုက်တဲ့ကော်ဖီ … ငါချစ်တဲ့ကော်ဖီနံ့လေး…။

ဝရန်တာဘောင်ပေါ်လက်တင်ရင်း မနက်ခင်းကို ကြိုရတာ အရသာရှိလိုက်ပါလားနော်။ ပန်းဆိုးတန်းမှတ်တိုင်နားမှာနေတာဆိုတော့ သီရိမင်္ဂလာဈေးကပြန်လာတဲ့ စပယာရဲ့ အင်းအားအပြည့်နဲ့ သာကေတ၊ သာကေတအော်သံက ဆူစပြုနေပါပြီ။ အောက်ကိုငုံကြည့်လိုက်တော့ လူတစ်ချို့ သွားလာလှုပ်ရှားနေကြပြီ။ အော် အိပ်မရတဲ့ညတစ်ည ဆုံးခဲ့ပြန်ပါပကော၊ ဆုံးခဲ့ပြန်သော…။

လှပတဲ့မနက်ခင်းအလှနဲ့ ကဖင်းဓါတ်ရတာကြောင့်ထင်တယ်။ လူကနဲနဲတော့လန်းလာသလိုပဲ။ အေးနေပေမယ့်လည်း တစ်ဗွမ်းဗွမ်းနဲ့ မကျိုးတဲ့ဟာကို ချိုးကြည့်လိုက်ပြန်တယ်။ တစ်ကိုယ်လုံးကို သုတ်ရင်း … အမေယူလာတဲ့ရွှေဖီဦးမိုးလွတ်လက်ဖက်ခြောက်လေးကို ခွက်ထဲထည့်ခတ်လိုက်တယ်။ လက်ကျန်ရေနွေးလေးကို လောင်းထည့်ပြီး ပထမရေကို သွန်ထုတ်လိုက်တယ်။ ရေနွေးကြမ်းသင်းနံ့လေးကို ကြိုဆိုရင်း ဖျင်နီယောအင်္ကျီလေးကိုဝတ်တယ်။ ဘောင်းဘီတိုလေးကို ကောက်စွပ်တယ်။ ပြီးတော့ နောက်ဆုံးလက်ကျန် ကိတ်မုန့်ပိုင်းလေးကို ရေနွေးကြမ်းနဲ့ မျှောချလိုက်တယ်။

နာရီကိုကြည့်လိုက်တော့ ခုနှစ်နာရီပဲရှိသေးတယ်။ ချိန်းထားတာက ရှစ်နာရီဆိုတော့ တစ်နာရီလောက် အိမ်မှ ဖလမ်းဖလမ်းထလို့ရသေးတယ်။ အဲဒီတော့ စာလေးဖတ်ဦးမှပဲ။ အလိမ္မာစာမှာရှိလို့ ပညာရှိတွေက ဆုံးမထားတယ်မလား။ လူရှိန်အောင်တင်ထားတဲ့စင်ပေါ်က စာအုပ်တွေကို ကြည့်လိုက်တယ်။ ကျွန်တော့်ကို လှောင်နေကျ ACCA စာအုပ်တွေကို မမြင်ယောင်ဆောင်ရင်း၊ IELTS နဲ့ ABE စာအုပ်တွေကို ဖုတ်လေတဲ့ငပိရှိတယ်မထင်သလိုသဘောထားကာ အဖုံးစိမ်လေးနဲ့သရုပ်ဖော်ထားတဲ့ ဆရာတက္ကသိုလ်ဘုန်းနိုင်ရဲ့ ချစ်သူ့အိမ်အမိုးနောက်မှာ လပျောက်ခဲ့ခြင်း ဆိုတဲ့စာအုပ်လေးကို ယူကာ ဖတ်လိုက်တယ်။

ကြုံခဲ့ဖူးပါ၏

ရင်ဦးမှာ လာ၍မမျက်သည့်

ရမ္မက် ဒဏ်ကြွင်း။

ချစ်သူရယ် သူ့တစ်နားတွင်မှ

နှစ်ကိုယ်ကြား ၀န်ခံလိုခဲ့

ကြမ္မာညို ဗျာပိုဝှေ့သည်

ကိုယ်တွေ့အခင်း။

Strange fits of passion have I known

And I will dare to tell,

But in the Lover’s ear alone,

What once to me befell.

ဆရာ William Wordsworth ရဲ့ ကဗျာလေးကို ဘာသာပြန်ထားတဲ့ဆရာ့ရဲ့ လက်ရာထူးမွန်တစ်ခု။ ဆရာကဆက်ရေးသလို ကိုယ်လည်းရေးမိပြီ။ ဘယ်လိုလဲဆိုတော့် … ကိုယ်လည်း ရင်ဖွင့်မိပြီကွဲ့ ချစ်သူရယ်….။

လွမ်းချင်တော့ဘူး ဆိုပြီး စာဖတ်မိကာမှ လွမ်းရပြန်တယ်။ ဆရာ့စာအုပ်ကို စင်ပေါ်ပြန်ပင့်တင်ရင်း ရွတ်မိတာက ” သူတည်းတစ်ယောက် ကောင်းဖို့ရောက်မူ၊ သူတစ်ယောက်မှာ ပျက်လင့်ကာတာ၊ ဓမ္မတာတည်း… ” ဆိုတဲ့ မျက်ဖြေလင်္ကာလေးပါပဲ။ ချစ်သူရယ် မင်းကိုကိုယ် အပြစ်မယူပါဘူး။ အပြစ်မယူဘူးဆိုတာထက် … လွမ်းနေဆဲပါကွယ်။

ဘယ်လောက်များအတွေးနယ်ချဲ့မိသည်မသိ… သတိရလို့ စက်နာရီကိုကြည့်လိုက်တော့ ၇:၅၅ ဆိုတော့ အတွေးစတွေကို ခဏခေါက်ရင်း တာဝတိတာခုနှစ်လွှာကနေ ခြေကျင်နဲ့ဆင်းပြီး စာတိုက်ကြီးရှေ့အရောက် ပြေးတစ်ချီ လျှောက်တစ်လှည့် ခြေစကြာလှည့်ရတော့တယ်။ တော်သေးတယ် နောက်မကျဘူး။ ရှစ်နာရီကွက်တိ ဆံခြည်တစ်မျှင်မလွှဲ ဖိနပ်သဲကြိုးကိုဆွဲလို့ရောက်အောင်သွားနိုင်ခဲ့တယ်။ လူစုံအောင်စောင့်ရင်း ထွေရာ တစ်ရာ့နှစ်ဆယ့်နှစ်မျိုးခွဲပြောပြီး ကားဂိတ်ကို ချီတက်ကြတယ်။ စုစုပေါင်းလူ ဆယ့်ရှစ်ယောက်.. အဲဟုတ်ဘူး။ ကျွန်တော်အပါ ဆယ့်ကိုးယောက်…။

Pooh ကားထဲက Pilet လေးလိုခုန်ပေါက်နေတဲ့ ဘီအမ်ကားကြီးပေါ်မှာ ပညာရှိစကားနားထောင်ရင်း ကျောက်တန်းက စာသင်ကျောင်းလေးကို ကျက်သရေရှိစွာ ဘွားကနဲမြင်လိုက်ရပါတယ်။ အော် တဲဘ၀ ကနေ တိုက်ပေါ်မှာ ကလေးတွေပညာသင်နေကြပါလား။ အစကတော့ မြက်ခင်းစိမ်းလေးပေါ့ ဒီနေရာလေးက….

အဲဒီကောက်ပင်စိမ်းနွဲ့ယိမ်းလဲ့လဲ့ လယ်ကွင်းပြင်ကြီးထဲက မြကမ္ဗလာကြီးကနေ ပထ၀ီမြေကြီးကိုထပ်ထည့်လို့….

အားမနာပါးမနာ ပထ၀ီမြေကြီးကို သဲနဲ့ရောသမမွှေ ထုထောင်းပြီးတူးဆတယ်။ ပြီးတော့ ဖောင်ဒေးရှင်းလေးလောင်းတယ်။

ပထမဆုံးကျောင်းတိုင်ကြီးပေါ့။ သမိုင်းဝင်မယ့်ကျောင်းတိုင်ကြီးပေါ့။

အဲဒီတုန်းကပေါ့လေ…

ကျောင်းတော်ကြီး ပြီးသွားပါပြီ။ ကျွန်တော်တို့တွေဖလမ်း ဖလမ်းထပြီး ဖလက်တွေတစ်ဖျက်ဖျက်နဲ့ဓါတ်ပုံရိုက်ခဲ့ကြတယ်လေ။

ဒါကတော့ ကျွန်တော်မမြင်လိုက်ရတဲ့ ဖဲကြိုးဖြတ်ပွဲလေးပေါ့။ အားလုံးပြုံးပျော်လို့။ အဲဒီလို အတွေးနယ်ခုန်ပျံကျော်လွှားရင်း ” ၀ိုင်းကြီးပတ်ပတ် ဒူဝေေ၀” ဆိုတဲ့အသံကြားတော့ အပူပင်ကင်းတဲ့ကလေးတွေပီပီ သူတို့လေးတွေကို

ဒီလိုမြင်လိုက်ရတော့ ၀မ်းသာပီတိဂွမ်းဆီထိရပါတယ်ဗျာ။ အောက်ကပုံလေးတွေကတော့ နတ်သုဒ္ဓါမှီဝဲနေတဲ့ ကျွန်တော်တို့ရဲ့အနာဂတ်လေးတွေ အားပါးတစ်ရ လွေးနေကြတဲ့ပုံလေးတွေပါ။

သူတို့လေးတွေ ဒီလိုအားမနာတမ်း စိတ်လွှတ်လပ်စွာ အာဟာရဖြည့်တာကိုကြည့်ရင်း ကျွန်တော် အိမ်မက်လေးမက်လိုက်ပြန်ပါတယ်။ ခုအိမ်မက်လေးကိုတော့ ဗြိတိသျှလို နွားရှေ့ထွန်ကျုးခွင့်ပြုပေးပါလားဗျာ။

I have a dream; one day every child in our country will have free basic education. They will be active learner, creative learner and critical thinker. They will also turn poverty tide and develop our country to stand as human with full dignity. I believed that my dream will come true.

ညနေငါးနာရီလောက်မြို့ထဲပြန်ရောက်တယ်။ လမ်းတစ်လျှောက်မှာလည်း ထွေရာသုံးပါးပြောရင်းနဲ့ပေါ့လေ။ ဘိုကလေးဈေးမှတ်တိုင်မှာ ဆင်းပြီး ဆိပ်ကမ်းသာပျံကျဈေးလေးမှ ဒီညစားဖို့ ၀က်သား၊ ကန်စွန်းရွက် ၀င်ဝယ်လိုက်တယ်။ သမုဒ္ဒရာ ၀မ်းဗိုက်မဟာအတွက်မဟုတ်လား။ အိမ်ရောက်တော့ ၀က်သားကို ရေဆေးလိုက်တယ်။ ဆားလေးနယ်တယ်။ ဂျင်းလေးဓါးပြားရိုက်ထည့်တယ်။ လျှို့ဝှက်တဲ့ဟင်းခတ်အမည်တွေထည့်တယ်။ ပဲငံပြာရည်နဲ့နယ်ပြီး ရေနဲ့ဆီထည့်တယ်။ မီးဖွင့်ပြီးတည်ထားတယ်။

မနက်တုန်းကလိုပဲ မကျိုးတဲ့ဟာကို ထပ်ချိုးတယ်။ ပြီးတော့ စားသောက်တယ်။ ကော်ဖီတစ်ခွက်ယူပြီး ကွန်ပစ်တာရှေ့ထိုင်တယ်။ ဟိုဟာဒီဟာ ကလစ်လုပ်ဖွင့်ဖတ်တယ်။ ရေးတယ်ချွတ်တယ်။ အဲလိုလုပ်နေတုန်း အိမ်အောက်လက်ဘက်ရည်ဆိုင်က “ တောင်ပြာတန်းက မောင့်အချစ်တွေ၊ ကြင်နာပါရက်နဲ့လမ်းခွဲကာ၊ မောင်ဖန်တီးတဲ့အချစ်ရက်ရှည်များစွာ၊ မဖြစ်နိုင်တော့တဲ့အခါမှာ၊ … “ ဆိုတဲ့ L လွန်းဝါရဲ့ ဂီတသံက နှလုံးသားရဲ့ အနက်ရှိုင်းဆုံးနေရာက အနူးညံ့ဆုံး အသည်းလွှာကို လှုပ်ခတ်ပြီး ကျွန်တော့်ရဲ့ ချစ်တဲ့……. ကို ပြန်အောင်းမေ့မိပြန်တယ်။ အဲဒါနဲ့ပဲ ဒါလေးကို ကီးဘုတ်ပေါ်လက်ချောင်းလေး မကြွတစ်ကြွ နိုပ်ကာ၊ နိုပ်ကာနဲ့ ကော်ဖီလေးကိုအရသာခံရင်း …. ။ ။

ည ၁၁နာရီ ၅၉ မိနစ် ၅၁ စက္ကန့်တွင် Ctrl+S ကိုနိုပ်ရင်း ရင်တွင်ဒဏ်မကြွင်းစေရန် ….. ချစ်ဖူးသော၊ ချစ်တတ်သော၊ ချစ်ရန်စဉ်းစားသော၊ ချစ်နေသော၊ ချစ်ပြီးသော၊ ချစ်သောသူအားလုံးသို့ …

ရွှေဝါ၀င်း တနင်္ဂနွေ ပညာဒါန ဝေမျှအစီစဉ်လေး (၁၅ နိုဝင်ဘာ ၂၀၀၉)

Htaik Seng — Fri, 20 Nov 2009 07:14:48 +0000

ပြီးခဲ့တဲ့ ၂၀၀၈ ခုနှစ် နာဂစ်ဝအမွှေအပြီးမှာ တောင်ဒဂုံ ၁၀၇ ရပ်ကွက်ကို ရောက်ခဲ့တယ်။ အခေါက်ခေါက်အခါခါသွားတာပေါ့လေ။ ဘာတွေများ လုပ်အားပေးလို့ရလဲဆိုပြီး။ နောက်တော့ ရွှေဝါ၀င်းကဆရာတော်ရဲ့ ဦးဆောင်လမ်းညွှန်မှုနဲ့ စီအက်အိုင်အဖွဲ့လေးက လူငယ်တွေစုပြီး တနင်္ဂနွေစာသင်တန်းဖွင့်ဖို့ စီစဉ်ကြပါတယ်။ အတွေ့အကြုံနုနယ်တဲ့ လူမမယ်လေးတွေပီပီ စီစဉ်ရင်းမှာတင် သင်ခန်းစာတွေအများကြီးရလိုက်ပါတယ်။ ကိုယ့်ထက်အတွေ့ကြုံရှိတဲ့ လူကြီးတွေ၊ ဆရာမတွေ ကို မေးရ၊ မြန်းရ အကြံတောင်းကြတယ်။ သင်မယ့် စာအုပ်တွေရွေးတယ်။ ကျောင်းသားလက်ခံမယ့်ကိစ္စတွေစီစဉ်တယ်။

အဲလိုနဲ့ စာသင်တဲ့အချိန်လည်းရောက်ကော ထိုက်ဆိုင်တို့ လုံးလုံးကို မရောက်ဖြစ်တော့ပါဘူး။ ဒီလိုနဲ့ စာသင်သက်တမ်းပထမအကြိမ် (၃ လ) ကုန်သွားရော။ ဒုတိယ စာသင်သက်တမ်းမှာလည်း လူငယ်လုပ်အားပေးအဖွဲ့တွေ တက်တက်ကြွကြွနဲ့ လုပ်အားပေးကြတယ်။ အဲ ဒီတစ်ခေါက်တော့ ဆရာမ နှင်းဝင့်နိုင်ကျေးဇူးကြောင့် လူငယ်တွေ ဗြိတိသျှလို စကားရည်ပြိုင်ပွဲမှာ (ပညာတတ်ယောင်ဆောင်ပြီး) ဒိုင်အဖြစ်ကြွရောက်ချီးမြင့်ပေးခဲ့ရတယ်ပေါ့။

တတိယသက်တမ်းမှာတော့ တောင်ဒဂုံကလူငယ်တွေပဲ ဆက်ပြီးလုပ်အားပေးဆရာအနေနဲ့ ကျောင်းသားငယ်တွေကို ပညာရည်နို့တိုက်ကျွေးခဲ့ပါတယ်။ တတိယသက်တမ်းနောက်ဆုံးနေ့မှာတော့ ကံကောင်းလှစွာပဲ တောင်ဒဂုံကိုရောက်ခဲ့ရပြန်ပါတယ်။ ကြည်နူးပျော်စရာနေ့တစ်နေ့ပေါ့လေ။ သူငယ်ချင်းတွေစုပြီး ကလေးတွေနဲ့ ပန်းချီဆွဲပြီး ကိုယ့်ပုံလေးရဲ့အဓိပ္ပာယ်ကို ဝေမျှတယ်။ ဘ၀တက်ကျ နှိမ့်မြင့်တာတွေ၊ လူတစ်ယောက်ရဲ့ ဘယ်လိုပဲဖြစ်ဖြစ်တန်ဖိုးရှိနိုင်သေးတာတွေကို ဝေမျှခဲ့ပါတယ်။

ကျွန်တော်တို့ရဲ့ ဒေါက်တာ သာလှကလည်း ကလေးတွေကို ကျန်းမာပျော်ရွင်ဖို့ ကစားနည်းတွေနဲ့အတူ သန့်ရှင်းစွာနေနည်းကို လက်တွေ့ရှင်းပြ အတူလုပ်ကြပါတယ်။ ပြီးတော့ ကလေးတွေက ကျွန်တော်တို့ သူငယ်ချင်းတစ်သိုက်နဲ့ သူတို့ဆရာ၊ ဆရာမတွေကို အော်တို ထိုးခိုင်းပါတယ်။ ဆယ်လီဗာတီကြီးတွေလိုပေါ့နော့။

မပြန်ခင်လေးမှာ အားလုံးဝိုင်းထိုင်ပြီး တွေ့ကြုံခံစားသမျှ ဒီနေ့အ၀ ဆိုတဲ့ခေါင်းစဉ်အောက်ကနေဆွေးနွေးကြပါတယ်။ အားလုံးပြုံးပျော်နေကြပါတယ်။ ထိုက်ဆိုင် ထမင်းမကျွေးလို့ စာနေတာကလွှဲရင်ပေါ့လေ။ ဆရာတွေက မိမိတပည့်တွေ ဆရာအနေနဲ့ပြန်ပြီး ကူညီနေတာတွေ့တော့ ပျော်တယ်ပေါ့လေ။ ကျွန်တော်လည်း အားကျမခံ အဲဒီ ဆရာသစ်လေးတွေကို စိန်ခေါ်လိုက်ပါတယ်။ ညီလေးတို့၊ ညီမလေးတို့ (၄) ကြိမ်မမြောက်သင်ကြားချင်းကို အောင်မြင်အောင် လုပ်နိုင်အောင်ပေါ့လေ။

ပြီးတော့ ထုံးစံအတိုင်း ထိုက်ဆိုင်တို့က စည်းဝိုင်းလိုထိုင်နေတဲ့လူအုပ်ကို မျက်စိမှိတ်ပြီး ကိုယ့်ဘ၀ရဲ့အပျော်ဆုံးအချိန်လေးတွေကို စဉ်းစားခိုင်းပါတယ်။ သူတို့လေးတွေ မျက်လုံးမှိတ်နေတဲ့အချိန်မှာ ဒေါက်တာသာလှနဲ့ ထိုက်ဆိုင်က လူတိုင်းရှေ့ကို စာရွက်ဖြူလေးနဲ့ ရောင်စုံခဲတံလေးတွေချပေးထားလိုက်တယ်။ သူတို့တွေ မျက်လုံးအဖွင့်မှာ ချက်ခြင်းကိုယ့်ရဲ့အလှပဆုံးချိန်လေးကို ပုံရိပ်ဖော်နိုင်အောင်ပေါ့လေ။ ပြီးတော့ အချို့က သူတို့ရဲ့ အပျော်ဆုံးအချိန်လေးတွေကို ဝေမျှပါတယ်။ အားလုံးကို အပျော်တွေကူးစက်သွားအောင်လေ။

ကဲ သူတို့လေးတွေ ကလေးတွေ လူငယ်တွေကို ဘယ်လိုထပ်ပြီး ပညာရည်သွေးတက်အောင် လုပ်ပေးကြမလဲဆိုတာ စောင့်မျှော်ကြပါစို့လား။ သူတို့လေးတွေ သင်ကြားရေးမှာလိုအပ်တာလေးတွေကို ကူညီချင်တယ်ဆိုရင်တော့ အထူးကြိုဆိုနေပါတယ်။

ပညာပင်ပျိုး၊ ပညာမိုးဆွေလို့ ပညာပန်းတွေပွင့်လန်းလာစေသား